సాములోరి రాజకీయ రంగప్రవేశం

సాములోరి రాజకీయ రంగప్రవేశం

స్వాములు, యోగుల రాజకీయ తీర బీజేపీ అన్నది కొత్తగా చెప్పేదేమీ కాదు. అయితే,తెలుగు రాష్ట్రాల బీజేపీలో ఇంతవరకు స్వాములు, యోగులు లేరు. త్వరలో ఆ లోటు తీరబోతుందని తెలుస్తోంది. స్వామి పరిపూర్ణానంద త్వరలో బీజేపీలో చేరనున్నట్లు సమాచారం.

ఇటీవల నగర బహిష్కరణకు గురై మొన్ననే తిరిగి హైదరాబాద్‌లో అడుగుపెట్టిన స్వామి పరిపూర్ణానందకు కాషాయ కండువా కప్పడం ద్వారా తెలంగాణలో మజ్లిస్ దూకుడుకు అడ్డుకట్ట వేయవచ్చని బీజేపీ భావిస్తోంది. ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌లా హిందుత్వ కార్డును ప్రజల్లోకి బలంగా తీసుకెళ్లగలిగే సమ్మోహనశక్తి పరిపూర్ణానందకు ఉందని ఆరెస్సెస్ వర్గాలు కూడా భావిస్తున్నాయి. పరిపూర్ణానంద స్వామిని పార్టీలోకి ఆహ్వానించడంపై ఇటీవల మోహన్ భగవత్ నేతృత్వంలో జరిగిన సమావేశంలోనూ చర్చించినట్టు తెలుస్తోంది.  

హిందూ ధర్మ పరిరక్షణ కోసం పరిపూర్ణానంద నిలబడుతున్న విషయం ఆరెస్సెస్ గుర్తించిందని తెలుస్తోంది.  ముఖ్యంగా సినీ క్రిటిక్ కత్తి మహేశ్ శ్రీరాముడిపై చేసిన అభ్యంతరకర వ్యాఖ్యలపై స్వామి పరిపూర్ణానంద ఆగ్రహం వ్యక్తం చేశారు. సున్నిత అంశంపై వాతావరణం వేడెక్కడంతో, పోలీసులు స్పందించి తొలుత కత్తి మహేశ్‌ను, ఆ తర్వాత పరిపూర్ణానందను నగరం నుంచి బహిష్కరించారు. 55 రోజుల బహిష్కరణ తర్వాత స్వామి భారీ ర్యాలీతో రెండు రోజుల క్రితం నగరంలో అడుగుపెట్టారు. త్వరలో ఆయన రాజకీయ కార్యాచరణ ప్రకటిస్తారని సమాచారం.

 

రాజకీయ వార్తలు

 

సినిమా వార్తలు