అత‌డే ప్ర‌ధాని అయితే భార‌త్ ముక్క‌ల‌య్యేది కాద‌ట‌

అత‌డే ప్ర‌ధాని అయితే భార‌త్ ముక్క‌ల‌య్యేది కాద‌ట‌

జాతీయవాదులు త‌ర‌చూ ఒక క‌ల‌ను ఆవిష్క‌రిస్తూ ఉంటారు. ఏదో ఒక రోజుకు అఖండ భార‌త్ ను ఏర్పాటు చేయ‌ట‌మే త‌మ ల‌క్ష్యంగా చెబుతారు. అలాంటి వారి మాట‌ల్ని ఎట‌కారం చేస్తూ.. ముందు క‌శ్మీర్ సంగ‌తి చూడండి.. ఆ త‌ర్వాత చేజారిన ఆక్ర‌మిత క‌శ్మీర్ ముచ్చ‌ట తేల్చండి. ఆ త‌ర్వాత క‌ల గురించి చెప్పండి అంటూ వ్యంగ్య వ్యాఖ్య‌లు చేస్తారు. అఖండ భార‌త్ అన్న కాన్సెప్ట్ వినేందుకు బాగానే ఉన్నా.. ఆచ‌ర‌ణ ఏ మాత్రం సాధ్యం కాద‌న్న‌ది మ‌ర్చిపోకూడ‌దు.

ఇదంతా ఒక ఎత్తు అయితే.. అస‌లు దేశ విభ‌జ‌నకు కార‌ణం జాతిపిత గాంధీ అని త‌ప్పు ప‌ట్టే వారు క‌నిపిస్తారు. అదే స‌మ‌యంలో.. గాంధీని ఎందుకు త‌ప్పు ప‌ట్ట‌టం.. త‌ప్పంతా నెహ్రూనే. ఆయ‌న కానీ.. త‌న ప‌ద‌వీ కాంక్ష‌ను నిలువ‌రించి ఉంటే దేశం ముక్క‌లే అయ్యేది కాద‌న్న మాట‌ను వినిపిస్తూ ఉంటారు.

తాజాగా అలాంటి మాట‌నే చెప్పి వార్త‌ల్లోకి వ‌చ్చారు అధ్యాత్మిక గురువు ద‌లైలామా. గోవా ఇనిస్టిట్యూట్ ఆఫ్ మేనేజ్ మెంట్ విద్యార్థుల్ని క‌లిసిన సంద‌ర్భంగా వారు అడిగిన ప్ర‌శ్న‌కు బ‌దులిస్తూ.. సంచ‌ల‌న వ్యాఖ్య‌లు చేశారు. దేశం విడిపోకుండా ఉండ‌టానికి మ‌హాత్మాగాంధీ చాలా తీవ్రంగా ప్ర‌య‌త్నించార‌ని.. కానీ.. నెహ్రు కార‌ణంగా సాధ్యం కాలేద‌న్నారు.

ఒక ద‌శ‌లో దేశ ప్ర‌ధాని పీఠంపై మ‌హ్మ‌ద్ అలీ జిన్నాను కూర్చోబెట్ట‌టానికి సైతం గాంధీ సిద్ధ‌ప‌డిన‌ట్లుగా చెప్పారు. అయితే.. ఆ ప్ర‌తిపాద‌న‌ను జ‌వ‌హ‌ర్ లాల్ నెహ్రు తీవ్రంగా వ్య‌తిరేకించార‌న్నారు. ఒక‌వేళ‌.. దేశ ప్ర‌ధానిగా జిన్నాను ఓకే అని ఉంటే.. భార‌త్ ముక్క‌లు అయ్యేది కాద‌న్నారు. నెహ్రుకు ఎంతో అనుభ‌వం ఉన్నా.. కొన్నిసార్లు త‌ప్పులు జ‌రుగుతాయంటూ.. దేశ తొలి ప్ర‌ధానిలోని ప‌ద‌వీకాంక్ష‌ను చెప్పేశారు. ఇప్పుడున్న పరిస్థితుల్లో ద‌లైలామా వ్యాఖ్య‌లు కాంగ్రెస్ కు కాస్తంత ఇబ్బందిక‌రంగా మారాయ‌ని చెప్ప‌క త‌ప్ప‌దు.

 

రాజకీయ వార్తలు

 

సినిమా వార్తలు