కొరియా స్నేహ‌గీతంః చీర్‌లీడ‌ర్ల బృందంతో చ‌ర్చ‌లు

కొరియా స్నేహ‌గీతంః చీర్‌లీడ‌ర్ల బృందంతో చ‌ర్చ‌లు

ఉత్తరకొరియా అధినేత కిమ్ జాంగ్ ఉన్ ఏం చేసినా ప్ర‌త్యేకంగా ఉంటుంద‌నే సంగ‌తి ప్ర‌త్యేకంగా చెప్ప‌నక్క‌ర్లేదు. యుద్ధానికి స‌న్న‌ద్ధ‌మైన స‌మ‌యంలో త‌న‌దైన శైలిలో బెదిరింపుల‌కు దిగిన‌....ఇప్పుడు చ‌ర్చ‌ల విష‌యంలోనూ అదే ప్ర‌త్యేక‌త‌ను కొన‌సాగిస్తున్నారు.  రెండు కొరియా దేశాల మధ్య రెండేళ్లుగా తెగిపోయిన స్నేహ సంబంధాల పునరుద్ధరణకు మార్గాలు తెరుచుకుంటున్నాయి. శత్రుత్వాలను పక్కన పెట్టి తమ మధ్య కొన్నేళ్లుగా నెలకొన్న ఉద్రిక్తతలను తగ్గించుకోవడానికి ఉత్తర, దక్షిణకొరియా ఒక అడుగుముందుకేశాయి. అయితే ఇందులో కిమ్ త‌న మార్క్ జోడించి...అథ్లెట్లు, అధికారులు, చీర్‌లీడర్లు, జర్నలిస్టులు తదితరులతో కూడిన బృందాన్ని పంపిస్తామని ఉత్తరకొరియా చర్చల్లో అంగీకరించినట్లు దక్షిణకొరియా వైస్ యూ నిఫికేషన్ మంత్రి చన్ హేసంగ్ మీడియాకు తెలిపారు.

తాజా చ‌ర్చ‌ల్లో భాగంగా వచ్చే నెల దక్షిణకొరియాలో జరిగే శీతాకాల ఒలింపిక్స్‌లో పా ల్గొనడానికి ఉత్తరకొరియా అంగీకరించింది. మిలిటరీ హాట్‌లైన్ పునరుద్ధరణకూ సమ్మతించింది. ఈ మేర‌కు చర్చల్లో ఈ మేరకు అంగీకారం కుదిరింది. ఇటువంటి సమావేశం జరుగడం గత రెండేళ్ల‌లో ఇదే ప్రథమం. ముఖ్యంగా ఉత్తరకొరియా ఏడాదికాలంగా అణు, క్షిపణి కార్యక్రమాలను విస్తరించుకోవడంతో పెద్ద ఎత్తున ఉద్రిక్తతలు పెరిగాయి. దరిమిలా ఐరాస ఆంక్షలు విధించడంతో ఉత్తర కొరియాకు బయటి ప్రపంచంతో సంబంధాలు దెబ్బతిన్నాయి. ఈ సంబంధాలను మళ్లీ పెంపొందించుకోవాల్సిన అవసరం ఉందని గుర్తించిన ఉత్తరకొరియా అధినేత కిమ్ జాంగ్ ఉన్ చొరువతో చర్చలు జరిగాయి. అమెరికా, దక్షిణకొరియా సంబంధాలను వేరు చేసి తమ దేశంపై విధించిన అంతర్జాతీయ ఆంక్షలను, తెస్తున్న ఒత్తిళ్లను బలహీనపరుచడానికే కిమ్ జాంగ్ ఉన్ ఈ ఎత్తుగడ వేసినట్లు పరిశీలకులు భావిప్తున్నారు.

కాగా, శీతాకాల ఒలింపిక్స్‌లో పాల్గొనడానికి ఉత్తరకొరియాకు అవకాశం కల్పిస్తామని అంతర్జాతీయ ఒలింపిక్ కమిటీ సోమవారం ప్రకటించింది. ఫిబ్రవరి 9 నుంచి 25 వరకు జరిగే క్రీడల్లో రెండు దేశాల క్రీడాకారులు పాల్గొనడానికి వీలుగా భారీ ప్రతినిధుల బృందాన్ని పంపాలని దక్షిణ కొరియా కోరిందని చన్ తెలిపారు. యుద్ధం వల్ల విడిపోయిన కు టుంబాలు తిరిగి తాత్కాలికంగానైనా కలుసుకోవాలని, సరిహద్దుల్లో ఉద్రిక్తతలు తగ్గించడానికి సైనిక చర్చలు జరుపుదామని దక్షిణకొరియా సూచించిందని, కొరియాపీఠభూమిని అణ్వస్త్రరహితం చేయాలని కూడా తాము కోరామన్నారు. కాగా ఇరు దేశాల మధ్య సయోధ్యకు, శాంతికి చర్చలు జరుపాలని ఉత్తరకొరియా కోరిందన్నారు. చర్చలు సామరస్య పూర్వకంగా జరిగాయని, ఇది రెండు దేశాలకు కొత్త సంవత్సర కానుక అని ఉత్తర కొరియా ప్రతినిధి రీసన్‌గ్రోన్ అన్నారు.

దక్షిణకొరియా ప్రతిపాదనలను అంగీకరించినందుకు ప్రతిగా తమ దేశానికి వ్యతిరేకంగా చేస్తున్న ప్రచారాన్ని ఆపాలని, అమెరికాతో కలిసి సైనిక విన్యాసాలను నిలిపివేయాలని ఉత్తరకొరియా డిమాండ్ చేసే అవకాశం ఉందని పరిశీలకులు అంటున్నారు.

 

రాజకీయ వార్తలు

 

సినిమా వార్తలు