విశాఖ వైపే కేంద్ర మంత్రుల మొగ్గు

విశాఖ వైపే కేంద్ర మంత్రుల మొగ్గు

సీమాంధ్ర రాష్ట్రానికి రాజధానిగా విశాఖపట్నం వుంటేనే బాగుంటుదని మెజార్టీ కేంద్ర మంత్రులు భావిస్తున్నట్లు ఢిల్లీ వర్గాల బోగట్టా. సిద్ధంగా వున్న సదుపాయాలు, శ్రీకాకుళం-విశాఖల నడుమ అపారంగా వున్న భూములు, కొత్త రాజధాని ఏర్పాటకు ఉపకరిస్తాయని భావిస్తున్నారు.కేంద్ర మంత్రులు, చిరంజీవి, కృపారాణి, పురంధ్రీశ్వరి, పల్లంరాజు ఈ మేరకు అధిష్టానానికి తమ మనోభీష్టాన్ని వెల్లడించినట్లు తెలిసింది.

వాస్తవానికి మూడు నెలల ముందే కేంద్రం విభజన ప్రతిపాదను కేంద్ర మంత్రులకు సూచన ప్రాయంగా వెల్లడించింది, అయితే అప్పట్లో ఒంగోలు కూడా రాష్ట్ర ప్రతిపాదన పేర్లలో వుంది. కానీ మంత్రులంతా ఇప్పట్లో రాజధాని ప్రస్తావన వద్దని అధిష్టానానాన్ని కోరారు. కేవలం విభజన ప్రకటన మాత్రం చేయమని, రాజధాని ప్రకటన వద్దని అనడం వెనుక,మంత్రుల స్వార్థం లేకపోలేదు. తమ తమ పెట్టుబడులు ముందుగానే ఆ ప్రాంతానికి తరలించాలన్నది వారి ఐడియా. చిరంజీవి తదితరులందరికీ ఇప్పటికే విశాఖలో అపారంగా పెట్టుబడులున్నాయి. అందుకే ఒంగోలు ప్రాంతంలో గడచిన మూడు నెలల్లో రియల్ ఎస్టేట్ పెట్టుబడులు పెరిగాయి. ఇప్పుడు రెండు స్థలాలు షార్ట్ లిస్ట్ చేయడంతో మంత్రుల్లో మెజారిటీ జనాలు విశాఖవైప మొగ్గుతున్నట్లు, అధిష్టానం కూడా అదే ఆలోచనతో వున్నట్లు తెలుస్తోంది. ఒక ఆల్టర్నేటివ్ వుండాలి కాబట్టి,విజయవాడను చేర్చినట్లు తెలుస్తోంది.

 

రాజకీయ వార్తలు

 

సినిమా వార్తలు