గుజరాత్‌ సీఎంగా అమిత్‌ షా !

గుజరాత్‌ సీఎంగా అమిత్‌ షా  !

అవును. ప్రధానమంత్రి నరేంద్ర మోడీ సొంత రాష్ట్రమైన గుజరాత్‌కు ముఖ్యమంత్రిగా బీజేపీ జాతీయ అధ్యక్షుడు అమిత్‌ నియమితులు కానున్నారట. ప్రస్తుత ముఖ్యమంత్రి ఆనందీ బెన్‌ పటేల్‌ స్థానంలో షాను కూర్చోబెడతారంట. ఇదంతా ఎందుకు చేస్తున్నారంటే ఆనంది అవినీతి పాలన ప్రజలకు విసుగు తెప్పిస్తోందని, దీనిని గమ నించే రాష్ట్ర ముఖ్యమంత్రిగా అమిత్‌ షాను నియమించనున్నట్టు సమాచారం. ఈ సమాచారం వెల్లడించింది ఢిల్లీ ముఖ్యమంత్రి అరవింద్‌ కేజ్రీవాల్‌.

ఈ మేరకు కేజ్రివాల్‌ తన ట్విట్టర్‌ ఖాతాలో అమిత్‌ సా సీఎం అవడం గురించి తెలిపారు. ఆనందిబెన్‌ స్థానంలో అమిత్‌ షాను సీఎం చేయాలని బీజేపీ భావిస్తోందని ఆ పార్టీ వర్గాల నుంచి ఈ మేరకు తనకు సమాచారం అందినట్టు పేర్కొన్నారు. సూరత్‌లో తన కార్యక్రమానికి అనుమతి ఇవ్వకుండా ఆనందీ బెన్‌ అడ్డుకు న్నారని కేజ్రీవాల్‌ ఆరోపించారు. ఇదిలాఉండగా  వచ్చే సంవత్సరం రాష్ట్రానికి అసెంబ్లీ ఎన్నికలు జరగనున్న గుజరాత్‌ అంశాన్ని కేజ్రి ప్రస్తావించడం ఆసక్తికరంగా మారింది. గుజరాత్‌ లో ఆమ్‌ ఆద్మీ పార్టీకి మంచి మద్దతు లభించిందని కేజ్రివాల్‌ ట్వీట్‌ చేశారు. వచ్చే సంవత్సరంలో ఎన్నికలు ఉన్నప్పటికీ గుజరాత్‌లోని ప్రఖ్యాత సోమనాథ్‌ ఆలయాన్ని సందర్శించడం ద్వారా కేజ్రీవాల్‌ తన ఎన్నికల ప్రచారాన్ని ప్రారంభించారు.

 

రాజకీయ వార్తలు

 

సినిమా వార్తలు