సోలో బ్రతుకు ప్రయోగంలో రెండో లెవలు!

సోలో బ్రతుకే సో బెటర్‍ సినిమా ఫస్ట్ కాపీ హక్కులను నిర్మాతకు అయిన ఖర్చుపైన అయిదు కోట్లు లాభమిచ్చి జీ స్టూడియో సంస్థ దక్కించుకున్న సంగతి తెలిసిందే. లాక్‍డౌన్‍ టైమ్‍లో ఓటిటి ప్లాట్‍ఫామ్‍ ప్రయోజనాల కోసం చేసిన రిస్కే అయినా కానీ ఇప్పుడీ సినిమా జీ నెట్‍వర్క్ కి ప్రయోగశాలగా మారిపోయింది. ముందుగా ఆ చిత్ర థియేట్రికల్‍ రైట్స్ను అమ్మేసారు.

మామూలుగా సాయి తేజ్‍ సినిమాకుండే మార్కెట్‍పై సగం రేటుకే రైట్స్ ఇచ్చారు. ఎన్నో నెలల తర్వాత వచ్చిన సినిమా కావడంతో మొదటి వారాంతంలో థియేటర్లకు జనం బాగానే వచ్చారు. వీక్‍ డేస్‍లో వసూళ్లు వీక్‍ అయినా మళ్లీ జనవరి 1 వీకెండ్‍కి పుంజుకుంటుందని చూస్తున్నారు. ఇదిలావుంటే ఈ చిత్రాన్ని జనవరి మొదటి వారం నుంచీ జీ ప్లెక్స్లో ప్రదర్శనకు పెట్టాలని జీ స్టూడియో రంగం సిద్ధం చేస్తోంది.

అంటే సినిమా చూడాలనుకునే వాళ్లు ఫలానా అమౌంట్‍ కట్టి ఇంట్లోనే చూసుకోవచ్చు. అలా ఆ నెలలో ఎంత వస్తుందో అంత వెనకేసుకుంటారు. ఆ తర్వాత ఫిబ్రవరిలో సినిమాను జీ5లో స్ట్రీమింగ్‍కు పెట్టేస్తారు. సీటీమార్‍, అంటే సుందరానికీ చిత్రాల హక్కులను కూడా జీ సంస్థ ఇలాగే దక్కించుకుంది. ఇంకా పలు భారీ చిత్రాలపై కూడా కన్నేసినట్టు తెలిసింది.