బాగా సైలెంట్‌ అయిన జగన్‌

బాగా సైలెంట్‌ అయిన జగన్‌

ఎన్ని ఫ్లాప్‌లు వచ్చినా తన పని తనదే అన్నట్టుగా మూడు నెలలకో సినిమా తీసేసే పూరి జగన్నాథ్‌ ఇప్పుడు రెస్ట్‌ తీసుకుంటున్నాడు. కొడుకుని హీరోగా పరిచయం చేస్తూ తీసిన 'మెహబూబా' ఫలితం పూరి జగన్నాథ్‌కి ఆర్థిక నష్టాన్నే కాకుండా ఆత్మవిశ్వాసాన్ని కూడా దెబ్బ తీసిందట. మెహబూబా చిత్రం ఖచ్చితంగా వర్కవుట్‌ అవుతుందనే నమ్మకాన్ని పూరి వెలిబుచ్చేవాడట.

అతని కాన్ఫిడెన్స్‌ చూడడం వల్లే ఛార్మి కూడా అయిదు కోట్లకి పైగా అందులో ఇన్వెస్ట్‌ చేసిందట. కానీ ఆ చిత్రం కనీసం పోస్టర్‌ ఖర్చులు కూడా రాబట్టుకోలేకపోవడంతో పూరి బాగా అప్‌సెట్‌ అయ్యాడట. ఆకాష్‌తో మరో చిత్రం ప్లాన్‌ చేసిన పూరి అది కూడా డ్రాప్‌ అయిపోయాడు.

తనతో పని చేయడానికి హీరోలెవరూ ఆసక్తి చూపించకపోవడంతో ప్రస్తుతం పూరి ఏ సినిమా చేయకుండా ఖాళీగా వున్నాడు. అంతా కొత్తవారితో ఒక ప్రయోగాత్మక చిత్రం చేయాలని చూస్తున్నాడని, అయితే నిర్మాతలు అవసరమని ఇండస్ట్రీలో చెబుతున్నారు.

తన క్రియేటివ్‌ టీమ్‌ వల్లే ఫెయిల్యూర్స్‌ వస్తున్నాయని వారినందరినీ మార్చేసిన పూరి ఆ తర్వాత కూడా సక్సెస్‌ కాలేకపోయాడు. ఒకప్పుడు నిత్యం కళకళలాడుతుండే పూరి ఆఫీస్‌ ఇప్పుడు సినిమాలు లేక వెలవెలబోతోందని అంటున్నారు.

 

రాజకీయ వార్తలు

 

సినిమా వార్తలు