తనీష్‌కి షాక్‌ ఇచ్చిన టీవీ9 దీప్తి భర్త!

తనీష్‌కి షాక్‌ ఇచ్చిన టీవీ9 దీప్తి భర్త!

'అమ్మ.. అమ్మ' అంటూ పిలుస్తూనే టీవీ యాంకర్‌ దీప్తి నల్లమోతుతో టాస్క్‌లలో పైశాచికంగా ప్రవర్తిస్తోన్న తనీష్‌ పట్ల చాలా వ్యతిరేకత వ్యక్తమవుతోంది. బిగ్‌బాస్‌ హోస్ట్‌ నాని అతడి మీద సాఫ్ట్‌ కార్నర్‌ చూపించి తగిన విధంగా గడ్డి పెట్టడం లేదనే కంప్లయింట్‌ కూడా వుంది. అయితే రిలేషన్స్‌కి వేల్యూ ఇస్తానని, టాస్క్‌లలో అలా ఆడక తప్పడం లేదని తనీష్‌ వివరణ ఇచ్చుకుంటున్నాడు. అయితే తన ఫ్రెండ్‌ అయిన సామ్రాట్‌తో కానీ, ఇంతకుముందు సునయనతో కానీ తనీష్‌ ఈ విధంగా ఆడలేదు. అయితే దీనిని దీప్తి ఇంతవరకు తనకి అనుకూలంగా వాడుకోలేకపోయింది.

ఎక్కడ దీనిని ఎత్తి చూపిస్తే భాను, తేజస్విలా ఎలిమినేట్‌ అవుతుందోననే భయంతోనో ఏమో అతడికి గట్టిగా ఎదురు చెప్పలేదు. పైగా తనపై దాడి చేయడమే కాకుండా పదే పదే దీప్తిని నామినేట్‌ చేస్తుంటాడు తనీష్‌. ఇదే విషయంపై ఈ వారం నామినేషన్లలో కౌశల్‌ అతడికి గట్టిగా క్లాస్‌ పీకాడు. దానిని సమర్ధించుకోవడానికి తనీష్‌ ఎంత ప్రయత్నించినా కానీ కౌశల్‌ ప్రజాభిప్రాయాన్ని వ్యక్తం చేసాడని, నాని చేయాల్సిన పని చేసాడని కితాబులు అందుకుంటున్నాడు. ఈలోగా సామ్రాట్‌ తల్లి వచ్చి అమ్మ గురించి భలే మాట్లాడతావయ్యా అంటూ కౌశల్‌ని ప్రశంసించడంతో ఇంకా హీరో అయిపోయాడు. ఇక టీవీ9 దీప్తి భర్త అయితే వెళుతూ వెళుతూ 'ఫిజికల్‌ టాస్క్‌లు ఆడేటప్పుడు కొంచెం చూసుకోండి' అని ఒక చురక వేసి పోయాడు.

దాంతో అదంతా బయటకి ఎలా కనిపిస్తుందనేది తనీష్‌కి తెలిసి వచ్చినట్టుంది. వెంటనే స్మోకింగ్‌ రూమ్‌లో దూరి బాధ పడిపోవడం మొదలు పెట్టాడు. సామ్రాట్‌ వచ్చి 'భర్త కదా. ఆమాత్రం కన్సర్న్‌ వుంటుంది' అంటూ నచ్చ చెప్పాలని చూసాడు. ఏదేమైనా బిగ్‌బాస్‌, నాని ఎంత కవర్‌ చేయాలని చూసినా కానీ తనీష్‌కి ఇది చాలా నెగెటివ్‌ అయిపోయింది. దీనిని దాటుకుని బిగ్‌బాస్‌ విజేతగా నిలవాలంటే అంత ఈజీ కానే కాదు మరి.

 

రాజకీయ వార్తలు

 

సినిమా వార్తలు