కృష్ణ విజయనిర్మలకు ఎలా ప్రపోజ్ చేశాడు?

కృష్ణ విజయనిర్మలకు ఎలా ప్రపోజ్ చేశాడు?

కృష్ణ.. విజయ నిర్మలలది 50 ఏళ్ల వైవాహిక బంధం. అప్పటికే మహేష్ తల్లిని పెళ్లాడిన కృష్ణ.. కొన్నేళ్ల తర్వాత సినిమాల ద్వారా పరిచయం అయిన విజయ నిర్మలను చూసి ఇష్టపడ్డారు. ఆమెను పెళ్లాడారు. అప్పట్నుంచి ఆమెతోనే ఉంటున్నారు. మరి కృష్ణ.. విజయ నిర్మల ఎలా ప్రేమలో పడ్డారు.. వీరి ప్రేమ ఎలా పెళ్లిగా మారింది అన్నది ఆసక్తికరం. దీని గురించి స్వయంగా విజయ నిర్మలే ఒక ఇంటర్వ్యూలో వెల్లడించారు.

‘సాక్షి’ సినిమా సందర్భంగా తమ ఇద్దరికీ పరిచయం జరిగిందని.. ఆ సినిమా చిత్రీకరణ సందర్భంగా ఒక విచిత్రమైన ఘటన తమ బంధానికి పునాది వేసిందని చెప్పారు. ఆ సినిమా షూటింగ్ మీసాల కృష్ణుడు అనే ఫేమస్ గుడిలో జరిగిందట. అక్కడికి వెళ్లిన ఏ జంట అయినా భార్యాభర్తలు అయిపోతారట. అలాంటి గుడిలో కృష్ణ, విజయ నిర్మలల మీద దర్శకుడు బాపు పాట చిత్రీకరించాడట. ఆ పాటలో తాళి కట్టు వేళ.. అంటూ ఒక వాక్యం కూడా ఉంటుందట. ఆ పాట చిత్రీకరణ జరిగాక కమెడియన్ రాజబాబు వచ్చి మీరిక భార్యాభర్తలు అయిపోయినట్లే అన్నాడట. దీనికి విజయనిర్మల కోపగించుకుందట.

ఐతే ‘సాక్షి’ సినిమా విజయవంతం కావడంతో తమ కాంబినేషన్లో ఆ తర్వాత మరిన్ని సినిమాలొచ్చాయని.. తమ ఇద్దరి బంధం బలపడిందని.. ఒక రోజు ఓ సినిమా చిత్రీకరణ సందర్భంగా చంద్రమోహన్ తన దగ్గరికి వచ్చి ‘కృష్ణగారు మిమ్మల్ని పెళ్లి చేసుకోవాలనుకుంటున్నారు’ అని చెప్పాడట. దీనికి విజయ నిర్మల బదులిస్తూ.. ‘‘ఇలా ఎవరినో పంపించి అడిగితే పెళ్లి చేసుకోను. ఆయన్నే వచ్చి అడిగితే చేసుకుంటా’ అన్నదట. తర్వాత కృష్ణే వచ్చి ‘మనిద్దరం పెళ్లి చేసుకుందాం’ అని అడగడంతో తాను ఓకే చెప్పినట్లు విజయనిర్మల వెల్లడించారు.


 

రాజకీయ వార్తలు

 

సినిమా వార్తలు