#NTR కోసం మనోడి స్పీడ్ మామూలుగా లేదు

#NTR కోసం మనోడి స్పీడ్ మామూలుగా లేదు

అలనాటి మేటి నటి సావిత్రి బయో పిక్ గా వచ్చిన మహానటి సినిమా బాక్సాఫీసును బాగా ఆకట్టుకుంది. ఇప్పుడు అందరి దృష్టి తెలుగు ప్రజల ఆరాధ్య నటుడు నందమూరి తారక రామారావు జీవిత గాథతో వస్తున్న ఎన్టీఆర్ బయోపిక్ పైనే ఉంది. ఇందులో ఎన్టీఆర్ రోల్ ను ఆయన తనయుడు హీరో బాలకృష్ణ చేస్తున్నాడు. ఎన్టీఆర్ భార్య బసవతారకం పాత్రలో బాలీవుడ్ హీరోయిన్ విద్యాబాలన్ నటిస్తోంది.

ఎన్టీఆర్ బయోపిక్ ను వచ్చే ఏడాది సంక్రాంతికి ముందుగా జనవరి 9 నాటికి థియేటర్లకు తీసుకొస్తామని ఇప్పటికే ప్రకటించేశారు. దీంతో ఈ సినిమా బాధ్యతలు చేపట్టిన క్రిష్ శరవేగంగా తన పని చేసుకుంటూ వెళ్లిపోతున్నాడు. ఇప్పటికే ఎన్టీఆర్ జీవితంలోని యంగ్ ఏజ్ రోజుల నాటి సీన్లతో మొదటి షెడ్యూల్ పూర్తి చేసేశాడు. ఈ షెడ్యూల్ లో బాలకృష్ణ - విద్యాబాలన్ పై కొన్ని కీలక సన్నివేశాలు చిత్రీకరించారు. ఎన్టీఆర్ నటించిన మొదటి మూవీ మనదేశం షూటింగ్.. బసవతారకంతో ఆయన పరిచయం వంటి సన్నివేశాలు ఇప్పుడు పూర్తి చేసిన వాటిలో ఉన్నాయి.

సంక్రాంతికి ఎన్టీఆర్ సినిమాను థియేటర్లకు తీసుకురాడమంటే అంత ఈజీయేమీ కాదు. ఇందులో కూడా కాస్టింగ్ భారీగానే ఉండనుంది. ఆర్టిస్టుల కాల్షీట్లు అందుబాటులో ఉన్న ప్రకారం చకచకా షూటింగ్ పూర్తి చేస్తేనే అనుకున్న టైంకి సినిమా రెడీ అవుతోంది. మరోవైపు క్రిష్ హిందీలో డైరెక్ట్ చేస్తున్న మణికర్ణిక - క్వీన్ ఆఫ్ ధ ఝాన్సీ సినిమా కూడా పోస్ట్ ప్రొడక్షన్ దశలో ఉంది. ఈ సినిమా కూడా జనవరిలోనే రానుంది. అందుకే షూటింగ్ విషయంలో క్రిష్ పక్కాగా.. ప్లానింగ్ ప్రకారం ముందుకెళ్తున్నాడనేది యూనిట్ సభ్యుల మాట.


 

రాజకీయ వార్తలు

 

సినిమా వార్తలు