శ్రీరెడ్డి టార్గెట్లు మారాయి

శ్రీరెడ్డి టార్గెట్లు మారాయి

టాలీవుడ్లో కాస్టింగ్ కౌచ్ గురించి శ్రీరెడ్డి ఎన్నెన్ని ఆరోపణలు చేసిందో తెలిసిందే. దగ్గుబాటి అభిరామ్.. కొరటాల శివ.. శేఖర్ కమ్ముల.. నాని.. ఇలా చాలామంది ప్రముఖుల మీద ఆమె ఆరోపణలు గుప్పించింది. చివరగా నానిని కొన్ని రోజుల పాటు అదే పనిగా టార్గెట్ చేసింది. ఐతే ఈ మధ్య ఆమె టాలీవుడ్‌ను పక్కన పెట్టినట్లుగా కనిపిస్తోంది. ఉన్నట్లుండి ఆమె ఫోకస్ కోలీవుడ్ మీదికి మళ్లింది. అక్కడి ప్రముఖులపై శ్రీరెడ్డి సంచలన ఆరోపణలు చేస్తోంది.

కొన్ని రోజుల కిందటే అగ్ర దర్శకుడు మురుగదాస్‌పై శ్రీరెడ్డి ఆరోపణలు గుప్పించింది. నిన్న ఆమె కోలీవుడ్ హీరో శ్రీకాంత్‌ను లక్ష్యంగా చేసుకుంది. చాలా పచ్చిగా అతడి గురించి మాట్లాడింది. ఐదేళ్ల కిందట సెలబ్రెటీ క్రికెట్ లీగ్ కోసం వచ్చినపుడు శ్రీకాంత్.. తనను అవకాశాల పేరుతో లోబరుచుకున్నాడని.. పార్క్ హయత్ హోటల్లో తనతో శృంగారంలో పాల్గొన్నాడని ఆమె ఆరోపించింది. ఈ సందర్భంగా నేరుగా శ్రీకాంత్ ఫొటో పెట్టి మరీ శ్రీరెడ్డి ఆరోపణలు చేయడం విశేషం.

తాజాగా శ్రీరెడ్డి డ్యాన్స్ మాస్టర్, యాక్టర్ కమ్ డైరెక్టర్ రాఘవ లారెన్స్ మీద ఆరోపణలు గుప్పించడం గమనార్హం. కొన్నేళ్ల కిందట హైదరాబాద్ గోల్కొండ హోటల్లో లారెన్స్ తనను కలిశాడని శ్రీరెడ్డి చెప్పింది. మెడలో రాఘవేంద్రస్వామి బిళ్ల, రుద్రాక్ష మాల చూసి ఏదో అనుకున్నానని.. తాను చేసే సేవా కార్యక్రమాల గురించి లారెన్స్ గొప్పగా చెప్పాడని అంది. ఆ తర్వాత మాత్రం తనను నడుము.. ఇతర శరీర భాగాలు చూపించమంటూ అసభ్యంగా ప్రవర్తించాడని.. తనతో రొమాంటిక్ స్టెప్స్ వేశాడని.. తనకు అవకాశం గ్యారెంటీ అని చెప్పడంతో కొంత కాలం పాటు అతడితో ఫ్రెండ్షిప్ చేశానని శ్రీరెడ్డి చెప్పింది. ఐతే ఈ వ్యవహారంలో బెల్లంకొండ సురేష్ విలన్ అయినట్లుగా శ్రీరెడ్డి ఆరోపించడం విశేషం.

 

రాజకీయ వార్తలు

 

సినిమా వార్తలు