విశాల్.. ఇన్నేళ్లు మిస్సయింది అదే

విశాల్.. ఇన్నేళ్లు మిస్సయింది అదే

తమిళంలో హీరోగా మంచి పేరు సంపాదించిన విశాల్‌కు ఒకప్పుడు తెలుగులోనూ మంచి ఫాలోయింగే ఉండేది. ‘పందెం కోండి’.. ‘పొగరు’ లాంటి సినిమాలు ఇక్కడ మంచి మార్కెట్ తెచ్చిపెట్టాయి అతడికి. కానీ దాన్ని అతను నిలబెట్టుకోలేకపోయాడు. వరుసగా రొడ్డ కొట్టుడు మాస్ సినిమాలు చేసి నిరాశ పరిచాడు. ఐతే తర్వాత తప్పులు దిద్దుకుని తమిళంలో మంచి మంచి సినిమాలే చేశాడతను. మాస్ మసాలాల జోలికి వెళ్లకుండా కమర్షియల్ హంగులు మిస్ కాకుండానే ఇంట్రెస్టింగ్ థ్రిల్లర్లను ఎంచుకున్నాడు. పాండియనాడు (పల్నాడు).. నాన్ సిగప్పు మనిదన్ (ఇంద్రుడు).. పాయుం పులి (జయసూర్య).. కథకళి.. తుప్పరివాలన్ (డిటెక్టివ్) లాంటి మంచి సినిమాలు వచ్చాయి అతడి నుంచి. కానీ ఈ చిత్రాన్ని తెలుగులో సరిగా ప్రమోట్ చేసి రిలీజ్ చేసుకోలేదు. అంతకుముందు సినిమాల ప్రభావం దీనిపై పడింది. తెలుగు మార్కెట్ మీద విశాల్ శ్రద్ధ పెట్టకపోవడం చేటు చేసింది.

సూర్య, కార్తి ఎంత బాగా తమ సినిమాల్ని ఇక్కడ మార్కెట్ చేసి రిలీజ్ చేసుకుంటారో తెలిసిందే. వాళ్లను తెలుగు హీరోల్లా ఆదరిస్తారు మన జనాలు. ఐతే తెలుగువాడైన విశాల్.. వీళ్ల బాటలో సాగలేదు. తెలివిగా వ్యవహరించలేదు. దీంతో మంచి మార్కెట్‌ను చేజార్చుకున్నాడు. ఐతే అతడికి లేటుగా జ్ఞానోదయం అయింది. తన కొత్త సినిమా ‘ఇరుంబుతిరై’ తెలుగు వెర్షన్ ‘అభిమన్యుడు’ విషయంలో తెలివిగా వ్యవహరించాడు. మంచి రిలీజ్ డేట్ కోసం ఎదురు చూశాడు. చక్కటి టైమింగ్ చూసుకుని రిలీజ్ చేశాడు. ముందే ఈ సినిమాను బాగా ప్రమోట్ చేశాడు. సెలబ్రెటీ షో కూడా ప్లాన్ చేసుకున్నాడు. దీనికి పోటీగా రిలీజైన తెలుగు సినిమాలు ‘ఆఫీసర్’.. ‘రాజు గాడు’ తేలిపోవడం కూడా దీనికి కలిసొచ్చింది. గత వారాంతంలో వచ్చిన ఈ చిత్రం బాక్సాఫీస్ లీడర్‌గా నిలిచింది. మంచి ఓపెనింగ్స్ తెచ్చుకుంది. వీకెండ్ తర్వాత కూడా వసూళ్లు నిలకడగా ఉన్నాయి. తెలుగులో విశాల్‌కు అతి పెద్ద హిట్టుగా నిలిచే దిశగా సాగుతోంది. ఈ సినిమా ఫలితం చూశాక ఇన్నేళ్లు తానేం మిస్సయ్యానన్నది విశాల్‌కు ఇప్పుడు బాగానే అర్థమవుతుంటుందేమో.

 

రాజకీయ వార్తలు

 

సినిమా వార్తలు