రంగస్థలంలా వుండాలని బన్నీ కండిషన్‌

రంగస్థలంలా వుండాలని బన్నీ కండిషన్‌

ఒక సినిమా పూర్తి కాకముందే తదుపరి చిత్రాన్ని రెడీగా వుంచే అల్లు అర్జున్‌ 'నా పేరు సూర్య'కి ముందు ఏ సినిమా కమిట్‌ అవలేదు. ఈ చిత్రానికి వచ్చే స్పందనని బట్టి తదుపరి చిత్రం ఎలా వుండాలనేది ప్లాన్‌ చేద్దామని చూసాడు. అయితే 'నా పేరు సూర్య' ఫ్లాప్‌ అవడంతో బన్నీ ప్రయోగాలు మానేసి కమర్షియల్‌ చిత్రం చేయడానికి ఫిక్స్‌ అయ్యాడు. కాకపోతే విక్రమ్‌ కుమార్‌ తప్ప మరే దర్శకుడు ఇప్పుడు తనకి అందుబాటులో లేడు. విక్రమ్‌ కుమార్‌ అంటే ప్రయోగాత్మక సినిమాలకి పెట్టింది పేరు.

విక్రమ్‌తో చేయడానికి రెడీగానే వున్నా కానీ అతని మార్కు వెరైటీ కథలు వద్దని బన్నీ చెప్పాడట. వెరైటీ వుండాలి కానీ కమర్షియల్‌ అంశాలు మిస్‌ అవకూడదని, రంగస్థలం చిత్రంలా కొత్తదనం వుంటూనే కమర్షియల్‌ మీటర్‌ ఫాలో అవ్వాలని విక్రమ్‌ కుమార్‌తో అనడంతో ఇప్పుడతను అలాంటి కథ రెడీ చేసే పనిలో పడ్డాడట. 24, హలో చిత్రాలు ఫ్లాప్‌ అవడంతో విక్రమ్‌ కుమార్‌కి కూడా ఇప్పుడు డిమాండ్‌ తగ్గింది.

రంగస్థలంకి ముందు సుకుమార్‌కి కూడా సిమిలర్‌ సిట్యువేషన్‌ వుంది. ఆ పరిస్థితుల్లోనే జనాలందరికీ నచ్చే కథ రెడీ అయింది. విక్రమ్‌ కుమార్‌ కూడా అలా మాస్‌ని, క్లాస్‌ని బ్యాలెన్స్‌ చేసే సినిమాతో వచ్చేస్తాడేమో చూడాలి.

 

రాజకీయ వార్తలు

 

సినిమా వార్తలు