ఇలాంటి గౌరవం ‘బాహుబలి’కీ దక్కలేదే..

ఇలాంటి గౌరవం ‘బాహుబలి’కీ దక్కలేదే..

గొప్ప సినిమాగా పేరు తెచ్చుకోవడం.. అలాగే కమర్షియల్‌గానూ విజయం సాధించడం అన్నిసార్లూ జరగదు. భారీ వసూళ్లు సాధించిన ఎన్నో సినిమాలు విమర్శకుల మెప్పు పొందలేదు. అలాగే గొప్ప సిినిమాలుగా పేరు తెచ్చుకున్న చాలా సినిమాలకు వసూళ్లు దక్కలేదు. ఐతే ‘మహానటి’ మాత్రం ఈ రెండు విషయాల్లోనూ విజయవంతమైంది. క్లాసిక్ అనిపించుకుంది.

అద్భుతమైన వసూళ్లూ సాధిస్తోంది. ఈ సినిమాను చిత్ర బృందం ప్రమోట్ చేయాల్సిన అవసరం కూడా లేకపోతోంది. ఇటు ప్రేక్షకులు మౌత్ టాక్ ద్వారా సినిమాను జనాల్లోకి తీసుకెళ్తున్నారు. ఈ సినిమా చూసి తీరాలన్న భావన అందరిలోనూ కలిగిస్తున్నారు. అలాగే మీడియా కూడా తన వంతు పాత్ర పోషిస్తోంది.

మరోవైపు ఇండస్ట్రీ సైతం ఈ చిత్రాన్ని మరో స్థాయికి తన వంతు ప్రయత్నం చేస్తోంది. ఈ చిత్రాన్ని ఇండస్ట్రీ పెద్దలు భుజానికెత్తుకోవడం విశేషం. ఓవైపు చిరంజీవి.. మరోవైపు అల్లు అరవింద్-అల్లు అర్జున్.. ఇంకోవైపు రాజమౌళి.. ఇంకా ఎంతోమంది ప్రముఖులు ఈ సినిమాను అభినందించడానికి.. చిత్ర బృందాన్ని సత్కరించడానికి ముందుకొచ్చారు. సినిమా గురించి గొప్పగా మాట్లాడారు.

అందరూ ‘మహానటి’ చిత్రాన్ని తెలుగు సినీ పరిశ్రమకే గర్వకారణం అంటూ పొగిడి జనాల్లో ఈ సినిమాపై గౌరవం పెరిగేలా.. ఆసక్తి రేగేలా చేశారు. ఇలా ఇండస్ట్రీ అంతా ఒక సినిమాను నెత్తికెత్తుకోవడం ‘బాహుబలి’ విషయంలోనూ జరగకపోవడం గమనార్హం. ఈ విషయంలో ‘మహానటి’కి దక్కుతున్న గౌరవం అసాధారణం.. అద్భుతం.

 

రాజకీయ వార్తలు

 

సినిమా వార్తలు