ఔను.. ఇల్లు అమ్ముకున్నా-పూరి

ఔను.. ఇల్లు అమ్ముకున్నా-పూరి

సినిమాల ద్వారా చాలా సంపాదించడమే కాదు.. చాలా పోగొట్టుకున్నాడు కూడా పూరి జగన్నాథ్. నమ్ముకున్న వాళ్లే మోసం చేయడంతో ఒక సందర్భంలో పూరి డబ్బులన్నీ పోగొట్టుకుని జీరో అయిపోయాడు. కానీ తర్వాత మళ్లీ సినిమాల ద్వారా సత్తా చాటుకుని డబ్బులు సంపాదించాడు. ఆస్తులూ సమకూర్చుకున్నాడు.

ఐతే పూరి ఈ మధ్య మళ్లీ ఇల్లు అమ్ముకోవాల్సిన పరిస్థితి వచ్చిందంటూ వార్తలొచ్చాయి. తన కొడుకు పూరి ఆకాశ్‌ను హీరోగా పరిచయం చేస్తూ స్వీయ నిర్మాణంలో తీసిన ‘మెహబూబా’ కోసమే ఇలా చేయాల్సి వచ్చిందని చెప్పుకున్నారు. ఈ విషయం పూరి దగ్గర ప్రస్తావిస్తే అది నిజమే అని చెప్పాడు.

ఆకాశ్ హీరోగా బయటి నిర్మాతతో సినిమా చేస్తే ‘వీడ్ని ఎవడు చూస్తాడు, జనాలు థియేటకి వస్తారా, రారా’ అని అనుమానాలు వ్యక్తం చేయొచ్చు. మనకి మార్కెట్‌ ఉంటేనే బయటి నిర్మాతలు వస్తారు. అలాంటప్పుడు రిస్కు తీసుకోవడంలో తప్పేముంది? అందుకే నాకున్న ఇళ్లలో ఒకదాన్ని అమ్మేశా. ఆకాశ్‌ మీద.. ఈ సినిమా అంత నమ్మకముంది కాబట్టే అలా చేశా’’ అని పూరి చెప్పాడు. ఒకసారి డబ్బులు పోగొట్టుకుని మళ్లీ సంపాదించుకున్న తనకు మరోసారి అలా సంపాదించడం కష్టమేమీ కాదని.. అందుకే తాను రిస్క్ చేయడానికి ఎప్పుడూ సిద్ధమే అని పూరి అన్నాడు.

తానెప్పుడూ జీరో నుంచి మొదలుపెట్టడానికి రెడీ అని.. జీవితం అలాగే ఉండాలని పూరి అన్నాడు. తనకు ఏడ్చేవాళ్లంటే ఇష్టమని.. అప్పుడే మనం బాగా స్ట్రాంగ్‌ అవుతామని... అప్పుడే మన విలువేంటో మనకు తెలుస్తుందని పూరి చెప్పడం విశేషం.

 

రాజకీయ వార్తలు

 

సినిమా వార్తలు