రామా.. మళ్లీ గెటప్పు మీదే ఫోకస్సా?

రామా.. మళ్లీ గెటప్పు మీదే ఫోకస్సా?

ప్రతీ సినిమాకి వైవిధ్యత చూపించాలని అనుకోవడం నటీనటులకు సహజం. కానీ సినిమా కంటెంట్ లో విభిన్నత చూపిస్తే బాగానే ఉంటుంది. జనాల్లో కూడా ఈ హీరో మళ్లీ ఏదైనా కొత్తగా చూపించబోతున్నాడనే ఆసక్తి కనిపిస్తుంది. కానీ హీరో రామ్ మాత్రం ఈ విషయంపై కాకుండా.. మరో అంశంపై దృష్టి పెట్టి ఆశ్చర్యపరుస్తున్నాడు.

నేను లోకల్ ఫేమ్ నక్కిన త్రినాథ రావు దర్శకత్వంలో రామ్ హీరోగా ఓ సినిమా ప్రారంభం అవుతోంది. దేవిశ్రీ ప్రసాద్ సంగీతం అందించనుండగా.. అనుపమా పరమేశ్వరన్ హీరోయిన్ గా నటించనుంది. అయితే.. ఈ సినిమా కోసం ఇప్పటికే రామ్ ప్రిపేర్ అయిపోతున్నాడు. మరి హీరో ప్రిపేర్ అవుతున్నాడంటే ఏంటో అనుకోకండి.. కొత్త గెటప్ తో ఆడియన్స్ ను మురిపిస్తాడట రామ్. గతంలో వచ్చిన హైపర్ లోను.. రీసెంట్ గా వచ్చిన ఉన్నది ఒకటే జిందగీ చిత్రంలో కూడా ఇలాగే తన గెటప్పులతో ప్రయోగాలు చేశాడు రామ్. కానీ ఆ సినిమాలు ఆడడం కాదు కదా.. ఆకట్టుకోలేకపోయాయి.

ఇప్పుడు మళ్లీ కంటెంట్ పై కాకుండా.. గెటప్ పైనే దృష్టి పెట్టినట్లుగా ఉన్నాడు ఈ హీరో. ఇంతకీ సినిమా పాత చింతకాయపచ్చడిలా ఉండి.. హీరో ఎంత కొత్తగా నిత్య నూతనంగా కనిపించినా ఆ సినిమా ఆడదనే అంశాన్ని రామ్ అర్ధం చేసుకున్నట్లుగా కనిపించడం లేదు. అయినా.. హీరో సామాన్యంగానే కనిపించిన నేను.. శైలజ ఆడింది కదా. అయినా సరే ఈ గెటప్పుల గోలేంటో!

 

రాజకీయ వార్తలు

 

సినిమా వార్తలు