మరీ ఈ రేంజిలో సొంతడబ్బా ఏంది డైరెక్టరూ

మరీ ఈ రేంజిలో సొంతడబ్బా ఏంది డైరెక్టరూ

డైరెక్టర్ కావాలంటే చాలా ఆత్మవిశ్వాసం అవసరం. లేకుంటే సినిమా తీయడం అసాధ్యం. తొలి సినిమా తీశాక దాని మీద ప్రేమ ఉండటం సహజం. ముందు డైరెక్టర్ కన్విన్స్ అయితేనే ఆ సినిమా తెరకెక్కుతుంది. ఎంతో నమ్మి తీసిన సినిమా కాబట్టి.. డైరెక్టర్‌కు ప్రతి సన్నివేశం అద్భుతంగా అనిపిస్తుంది. సినిమా కూడా అదిరిపోయిందనే ఫీలింగే వస్తుంది. కానీ నా సినిమా అద్భుతం అమోఘం అంటూ ఓపెన్ స్టేట్మెంట్లు ఇచ్చుకుని పొగిడేసుకుంటేనే వినడానికి ఇబ్బందిగా ఉంటుంది. ‘మనసుకు నచ్చింది’ సినిమాతో దర్శకురాలిగా మారిన కృష్ణ కూతురు మంజుల పరిస్థితి ఇలాగే ఉంది మరి.

ఆ మధ్య ‘మనసుకు నచ్చింది’ సినిమాను అనౌన్స్ చేసిన రోజే తాను ఈ సినిమా రిలీజయ్యాక మోస్ట్ హ్యాపెనింగ్ డైరెక్టర్ కాబోతున్నానని.. తన కోసం నిర్మాతలు ఎగబడతారని.. రాఘవేంద్రరావు స్థాయిలో తాను ఈ సినిమాలో పాటలు తీశానని.. ఇలా పెద్ద పెద్ద స్టేట్మెంట్లు ఇచ్చి ఆశ్చర్యపరిచింది మంజుల. ఇప్పుడేమో మరింత రెచ్చిపోయింది.

‘‘ఇది చాలా చాలా మంచి సినిమా. నేను ఏంటి అనేది ఈ సినిమా రిలీజ్‌ అయ్యాక తెలుస్తుంది. ప్రముఖ కెమెరామెన్‌ చోటా కె నాయుడుగారు ఈ సినిమా చూశారు. ఎక్స్‌లెంట్‌.. వన్‌ ఆఫ్‌ ది బెస్ట్‌ లవ్‌స్టోరీస్ అన్నారు. సాయిమాధవ్ బుర్రా గారు చూసి ఇలాంటి సినిమా ఈ మధ్య రాలేదు.. అద్భుతం అన్నారు. ఈ సినిమా ప్రతి ఒక్కరికీ నచ్చుతుంది. నచ్చనివారుండరు. ఈ సినిమా నచ్చకపోతే వాళ్లు వేస్ట్ ఫెలోస్. హార్ట్‌ వున్న ప్రతి ఒక్కరికీ నచ్చే సినిమా ఇది. ’’ అంటూ తన సినిమాను తానే తెగ పొగిడేసుకుంది.

తమ సినిమా గురించి అందరూ పాజిటివ్‌గా చెప్పుకునేవాళ్లే కానీ.. మరీ ఈ స్థాయిలో తొలి సినిమాకే డబ్బా కొట్టేసుకున్నవాళ్లు అరుదు. అందులోనూ ఒక డైరెక్టర్ తన సినిమా గురించి గొప్పలు పోవడం వినడానికి చాలా ఇబ్బందిగా ఉంటుంది. ఎంత మంచి సినిమా తీసినా కూడా ఇలాంటి స్టేట్మెంట్లు ఇవ్వడం మాత్రం సమంజసంగా అనిపించదు. మరి మంజులకు ఇంత చిన్న లాజిక్ ఎందుకర్థం కాలేదో?