ఏంటి కళ్యాణేనా అంతిచ్చింది?

ఏంటి కళ్యాణేనా అంతిచ్చింది?

సాయి ధరం తేజ్ హీరోగా నటించిన లేటెస్ట్ మూవీ ఇంటెలిజెంట్ రిలీజ్ కి రెడీ అయిపోయింది. ఫిబ్రవరి 9న ఈ చిత్రం థియేటర్లలోకి రానుంది. మాస్ దర్శకుడు వివి వినాయక్ దర్శకత్వంలో రూపొందిన చిత్రం కావడంతో.. అంచనాలు బాగానే ఉన్నాయి. రీసెంట్ గా రిలీజ్ అయిన ట్రైలర్ కూడా పక్కా మాస్ ఫార్ములా అనే సంగతి చెప్పేస్తోంది. కంటెంట్ క్లిక్ అయితే.. నిర్మాత సి. కళ్యాణ్ కు.. జైసింహా తర్వాత ఈ ఏడాది మరో హిట్ వచ్చినట్లే అంటున్నారు.

అయితే.. ఈ మిడ్ రేంజ్ మూవీపై ఇండస్ట్రీలో వినిపిస్తున్న టాక్ ఆశ్చర్యకరంగా ఉంది. దర్శకుడు వివి వినాయక్ కు 10 కోట్ల రూపాయలు.. సాయిధరమ్ తేజ్ కు 2.5 కోట్లు రెమ్యూనరేషన్ ఇచ్చాడని టాక్ వినిపిస్తోంది. అయితే సి. కళ్యాణ్‌ అంతిస్తాడా అన్నదే పాయింట్. ఫిలిం ప్రొడక్షన్ లోనే కాదు.. దాన్ని కంట్రోలింగ్ చేయడంలో కూడా ఈ నిర్మాత దిట్ట. అలాగని భారీ రేట్లకు అమ్మేసి సొమ్ము చేసుకోవాలని అనుకునే బాపతు కూడా కాదు. బడ్జెట్ ప్రకారమే అమ్ముతుంటాడు. అందుకు రీసెంట్ గా జైసింహాను బయ్యర్లకు విక్రయించిన తీరును సాక్ష్యంగా చెప్పవచ్చు. శాతకర్ణితో 48 కోట్లు సాధించిన బాలకృష్ణ మూవీని 27 కోట్లకే అమ్మేశాడీయన.

ఇంటెలిజెంట్ ను ఇంకా ఎంతకు మార్కెట్ చేశారనే డీటైల్స్ పూర్తిగా బయటకు రాలేదు. అయితే.. కేవలం దర్శకుడు-హీరోలకే 12.5 కోట్లు ఇచ్చి ఉంటాడనే టాక్ ను అందరూ విశ్వసించడం లేదు. బడ్జెట్ పరిమితులు దాటకుండా జాగ్రత్తలు పడడంలో సి కళ్యాణ్ కు గ్రిప్ ఎక్కువ అనే వారు కూడా ఉన్నారు. ఒకవేళ పైన చెప్పిన రెమ్యూనరేషన్స్ కరెక్టే అయినా.. అది సినిమా సక్సెస్ తర్వాత వచ్చే లాభాల్లో వాటాతో కలిపి అయి ఉంటుందని అంటున్నారు.

 

రాజకీయ వార్తలు

 

సినిమా వార్తలు