సామి శిఖరం... ఫ్లాపులేం చేయలేవు!

సామి శిఖరం... ఫ్లాపులేం చేయలేవు!

మహేష్‌బాబుకి ఈమధ్య కాలంలో తగిలినన్ని డిజాస్టర్లు మరే హీరోకీ పడలేదు. పవన్‌కళ్యాణ్‌ క్లోజ్‌గా వస్తాడు కానీ  గత అయిదు సినిమాల్లో నాలుగు టాప్‌ డిజాస్టర్లతో మహేష్‌బాబు ఒక రికార్డే నెలకొల్పాడు. 1, ఆగడు, బ్రహ్మూెత్సవం, స్పైడర్‌ లాంటి చిత్రాలు ఏ నటుడి ఇమేజ్‌కి అయినా డ్యామేజ్‌ చేస్తాయి.

కానీ బ్రహ్మూెత్సవం, స్పైడర్‌ ఫలితాలతో సంబంధం లేకుండా మహేష్‌ తదుపరి చిత్రం 'భరత్‌ అనే నేను'పై అంచనాలు ఆకాశాన్ని తాకుతున్నాయి. ఈ చిత్రానికి శ్రీమంతుడు డైరెక్టర్‌ కొరటాల శివ వుండడంతో అతడి ట్రాక్‌ రికార్డుని చూసి బయ్యర్లు భారీ ఆఫర్లు ఇస్తున్నారు. ఇటీవల వచ్చిన చాలా పెద్ద చిత్రాలు దారుణంగా ఫెయిలైనా కానీ బయ్యర్లు ఈ చిత్రం కోసం ఎంతయినా పెట్టడానికి వెనకాడడం లేదు.

భరత్‌ అనే నేను ప్రీ రిలీజ్‌ బిజినెస్‌ వంద కోట్లకి పైనే వుంటుందని ట్రేడ్‌ రిపోర్ట్‌. కేవలం ఆంధ్రా ఏరియాలోనే నలభై కోట్ల నిష్పత్తిలో ఈ చిత్రాన్ని అమ్ముతున్నారు. సీడెడ్‌, నైజాంలో కలిపి మరో ముప్పయ్‌ అయిదు కోట్ల వరకు బిజినెస్‌ వుంటుంది. ఓవర్సీస్‌, కర్నాటకతో కలిపితే మొత్తంగా వంద కోట్ల పైగా బిజినెస్‌ చేయడం అంత కష్టమేం కాదు.

రెండు ఆల్‌టైమ్‌ డిజాస్టర్స్‌ తర్వాత మహేష్‌ సినిమాకి వున్న ఈ క్రేజ్‌ చూసి ఖలేజా చిత్రంలోని 'సామి శిఖరం, చెట్లేం చేయలేవు' డైలాగ్‌ గుర్తు చేసుకుంటున్నారు అభిమానులు. మహేష్‌ శిఖరం... ఫ్లాపులేం చేయలేవు అంటూ అభిమానులు భరత్‌ అనే నేను ప్రీ రిలీజ్‌ క్రేజ్‌ని హ్యాపీగా ఎంజాయ్‌ చేస్తున్నారు.