ప్రమోషన్ లేకుండా వర్కువట్ అవుద్దా?

ప్రమోషన్ లేకుండా వర్కువట్ అవుద్దా?

బాలీవుడ్ దర్శకుడు సంజయ్ లీలా భన్సాలీ తాజా చిత్రం పద్మావత్ అన్ని అడ్డంకులను దాటుకుని రిలీజుకు సిద్ధమవుతోంది. రాజపుత్రులు తమ గౌరవానికి ప్రతీకగా భావించే రాణి పద్మావతి జీవిత గాథగా ఈ సినిమా తెరకెక్కించారు. రాజపుత్రుల మనోభావాలు దెబ్బతీసే విధంగా ఈ సినిమా తీశారంటూ వివాదాలు చుట్టుముట్టడంతో రిలీజ్ వాయిదా వేశారు.

సినిమాపై వచ్చిన వివాదాలను తరవాత కేంద్ర సెన్సార్ బోర్డు ఈ చిత్రాన్ని ప్రత్యేకంగా చూసి ఐదు మార్పులు మాత్రం సూచించి విడుదలకు ఓకే చెప్పింది. దీంతో ఈనెల 25న పద్మావత్ థియేటర్లకు రానుంది. ఈ సినిమాకు సంబంధించి హీరోహీరోయిన్లుగా నటించిన షాహిద్ కపూర్ దీపికా పదుకనే.. విలన్ గా నటించిన రణ్ వీర్ ఎలాంటి ప్రమోషన్లు చేయబోవడం లేదు. అసలు వీరు ఈ సినిమా గురించి ఎక్కడా పెదవి విప్పి మాట్లాడకూడదనే డిసైడైపోయారు. ఏ చిన్నమాట తేడా వచ్చినా మరిన్ని వివాదాలు తలెత్తే ఆస్కారం ఉన్నందున ఎందుకొచ్చిన ఇబ్బందిగా భావించి మౌనంగా ఉండిపోవడమే మేలని లీడ్ కాస్ట్ అంతా నిర్ణయించుకున్నారు.

అయితే పద్మావత్ సినిమాలోని నటులే కాదు.. నిర్మాతలు కూడా దాదాపుగా ఇదే స్ట్రాటజీ ఫాలో అయిపోతున్నారు. ఈ సినిమాకు సంబంధించి ప్రమోషన్స్ ఏమీ పెద్దగా చేయడం లేదు. సినిమా పోస్టర్లు కూడా గోడల మీద వేయకుండా రిలీజ్ చేస్తున్నారు. నిజానికి ఈ స్ర్టాటజీ వర్కవుట్ అవుతుందా? కోట్లు రూపాయలు పెట్టి ప్రమోట్ చేస్తేనే కదా.. సినిమా హాళ్ళకు జనాలు వచ్చేది. అవేమీ చేయకుండా సినిమా రిలీజ్ అంటే.. పాపం భన్సాలి.. ఏమవుతుందో ఏంటో!!

 

రాజకీయ వార్తలు

 

సినిమా వార్తలు