ఇలాంటివి వర్కవుట్ అవుతాయా?

ఇలాంటివి వర్కవుట్ అవుతాయా?

డైలాగ్ కింగ్ గా జనాల్లో విపరీతమైన ఖ్యాతి సాధించిన మంచు మోహన్ బాబు.. ఇప్పుడు బాగా సెలక్టివ్ గానే సినిమాలు చేస్తున్నారు. చాలాకాలం తర్వాత ఆయన ప్రధాన పాత్రలో నటించిన మూవీ గాయత్రి తెరకెక్కుతోంది. వచ్చే నెలలో గాయత్రిని విడుదల చేసేందుకు ప్రయత్నిస్తుండగా.. ఇప్పుడీ మూవీ టీజర్ ను రిలీజ్ చేశారు.

పురాణ పురుషులు చెప్పింది.. చేసింది తప్పయితే తనదీ తప్పే అని.. వాళ్లు చేసినది కరెక్ట్ అయితే.. తానూ కరెక్టే అంటూ మోహన్ బాబు చెప్పిన డైలాగ్ సూపర్బ్ గా ఉంది. ఛాయిస్ ఈజ్ యువర్స్ అంటూ ఫినిషింగ్ ఇచ్చిన తీరు చూస్తే.. మోహన్ బాబు మాదిరిగా మరెవరూ డైలాగ్స్ చెప్పలేరనే సంగతి అర్ధమవుతుంది. అంతవరకూ ఓకే అయినా.. ఇవాల్టి రోజుల్లో ఇలాంటి డైలాగ్స్.. హీరో రోల్స్ వర్కవుట్ అవుతాయా? అన్నదే డౌట్. జనాలు చిన్నపాటి పంచ్ లకు బాగా అలవాటు పడిపోయారు. పురాణాలతో లింక్ పెట్టినా.. డైలాగ్ లో ఎంతటి డెప్త్ ఉన్నా అంతగా పట్టించుకుంటున్నట్లు కనిపించడం లేదు.

డైలాగ్ డెలివరీలో మోహన్ బాబుకు తిరుగులేదనే సంగతి ఎప్పుడైనా ఒప్పుకు తీరాల్సిందే. కాకపోతే మరీ ఇంత లెంగ్తీ డైలాగ్స్ కాకుండా.. కాస్త సింపుల్ గా అయితే మరింత పవర్ ఉండేదనే కామెంట్స్ వినిపిస్తున్నాయి. కానీ తన స్టైల్ మాడ్యులేషన్.. పవర్ ఫుల్ మ్యానరిజమ్స్ తో ఎలాంటి సన్నివేశాన్ని అయినా ఒప్పించేయగల మోహన్ బాబుకు.. ఆయన కెరీర్ లో గాయత్రి ఓ వైవిధ్యమైన పాత్రగా నిలిచిపోయేలా ఉంది.

 

రాజకీయ వార్తలు

 

సినిమా వార్తలు