సంక్రాంతికి మరో నందమూరి హీరో

సంక్రాంతికి మరో నందమూరి హీరో

ఈ సారి పొంగల్ రేస్ ఫుల్ మజా ఇచ్చేస్తున్న సంగతి ఒప్పేసుకోవాలి. ఒకవైపు పవర్ స్టార్ పవన్ కళ్యాణ్ అజ్ఞాతవాసి.. మరోవైపు నందమూరి బాలకృష్ణ నటించిన జైసింహా ఇదే పండుగకు థియేటర్లలోకి వచ్చేస్తున్నాయి. ఇక సూర్య నటించిన గ్యాంగ్.. రాజ్ తరుణ్ రంగుల రాట్నం కూడా పోటీలోనే ఉన్నాయి.

ఇలాంటి సమయంలో ఇంకో సినిమా అంటే రిస్కే కానీ.. ఇది థియేటర్లలోకి వచ్చే వ్యవహారం కాదు. నందమూరి కళ్యాణ్ రామ్ నటిస్తోన్న 15వ చిత్రానికి.. టైటిల్ అనౌన్స్ చేస్తారట. జనవరి 8వ తేదీ ఉదయం 10.15కు టైటిల్ గ్లింప్స్ విడుదల చేస్తామని మేకర్స్ అనౌన్స్ చేశారు. ఇది కంప్లీట్ గా లవ్ థీమ్ తో ఉంటుందని చెప్పేశారు మేకర్స్. టెక్నికల్ టీం డీటైల్స్ చూస్తే.. ప్రేమ కథను అద్భుతంగా చూపించబోతున్నానే సంగతి అర్ధమవుతుంది. సిద్ధార్ధ్- నిత్యామీనన్ నటించిన 180వంటి మూవీని తెరకెక్కించిన దర్శకుడు జయేంద్ర.. ఈ చిత్రాన్ని రూపొందిస్తున్నాడు.

తమన్నా హీరోయిన్ గా నటిస్తుండగా.. ఇందులో ఈమె ఆర్జే కేరక్టర్ చేస్తోందని తెలుస్తోంది. ఓ లవ్ ప్రోగ్రామ్ హోస్ట్ చేయడం.. అక్కడి నుంచి ప్రేమలో పడడం.. అందమైన కథను హృద్యంగా చూపడం అనే థీమ్ తో మూవీ సాగుతుందట. ఈ మూవీకి పీసీ శ్రీరామ్ సినిమాటోగ్రఫీ అందిస్తున్నాడు. నందమూరి కళ్యాణ్ రామ్ నుంచి లవ్ థీమ్ తో వస్తున్న మూవీ కావడంతో.. ఆసక్తి బాగానే జనరేట్ అవుతోంది.

 

రాజకీయ వార్తలు

 

సినిమా వార్తలు