'అత్తారింటికి దారేది' తర్వాత దీనికే..!

'అత్తారింటికి దారేది' తర్వాత దీనికే..!

ఒక సినిమా చేస్తుండగా అది ఎలా వస్తుందనేది, తెరపై ఎలా ఉండబోతుందనేది అందులో నటించే వాళ్లకి తెలిసిపోతుంది. ఒక సినిమా చేస్తూ హీరో హీరోయిన్లు దాని గురించి ఎక్కువ ఎక్సయిట్‌ అయ్యారంటే ఖచ్చితంగా అందులో ఏదో ఉందని అనుకోవచ్చు. అది కూడా పబ్లిగ్గా ఆ సినిమా గురించి పొగుడుతుంటే మనం తప్పకుండా ఒక మంచి సినిమా చూడబోతున్నామని ఎక్స్‌పెక్ట్‌ చేయవచ్చు. అది కూడా కేవలం కొన్ని సినిమాలకే ఎక్సయిట్‌ అవుతుంటే కనుక అవి స్పెషల్‌ మూవీస్‌ అని ఫిక్స్‌ అయిపోవచ్చు.

'అత్తారింటికి దారేది' సినిమా చేస్తుండగా, సమంత దాని గురించి చాలా ఎక్సయిట్‌ అయ్యేది. దాదాపుగా ఆ సినిమాకి పీఆర్‌ఓ మాదిరిగా ఆమె పని చేసింది. సినిమాని విపరీతంగా ప్రమోట్‌ చేసింది. ఆ తర్వాత రామయ్యా వస్తావయ్యాకి మాత్రం ఆమె అస్సలు ఎక్సయిట్‌ కాలేదు. దాని ఫలితం తనకి ముందే తెలుసన్నట్టు సైలెంట్‌గా ఉంది. మళ్లీ ఇప్పుడు 'మనం' సినిమాకి సమంత అలానే చెప్తోంది. దర్శకుడు విక్రమ్‌ కుమార్‌పై ప్రశంసలు కురిపిస్తోంది. ఆల్రెడీ ఈ సినిమాకి మంచి టాక్‌ ఉంది. ఇప్పుడు సమంత సర్టిఫికేషన్‌తో దీనిపై అంచనాలు పెంచుకోవచ్చు అనిపిస్తోంది. అక్కినేని మూడు తరాల హీరోలు నటిస్తున్న ఈ చిత్రం చైతన్య సరసన సమంత నటిస్తోంది.

 

రాజకీయ వార్తలు

 

సినిమా వార్తలు