నందమూరి బ్రదర్స్‌ 80 కోట్లు వెనకేసారా?

నందమూరి బ్రదర్స్‌ 80 కోట్లు వెనకేసారా?

నందమూరి కళ్యాణ్‌రామ్‌ వరుస పరాజయాలతో చాలా నష్టాల్లో పడేసరికి అతడిని ఆదుకోవడం కోసమే ఎన్టీఆర్‌ మిగతా సినిమాలన్నీ పక్కనపెట్టి 'జై లవకుశ'ని ఎన్టీఆర్‌ ఆర్ట్స్‌ బ్యానర్లో చేసాడు. ఈ చిత్రానికి లాభాల్లో వాటా తీసుకున్న ఎన్టీఆర్‌ పారితోషికంగా ఏమీ పుచ్చుకోలేదు. అయితే ఈ చిత్రాన్ని తక్కువ బడ్జెట్‌లో పూర్తి చేయాలని ఎన్టీఆర్‌ ఆదేశించాడు.

అందుకే అంతగా పాపులర్‌ కాని హీరోయిన్లు, దర్శకుడిని పెట్టుకున్నారు. నిర్మాణ పరంగా కూడా ఎక్కడికక్కడ ఖర్చు తగ్గించేసారట. దీంతో ఈ చిత్రం అన్ని ఖర్చులు కలుపుకుని ఇరవై ఆరు కోట్ల బడ్జెట్‌తో పూర్తి అయిపోయిందని గుసగుసలు వినిపిస్తున్నాయి. ఎన్టీఆర్‌లాంటి స్టార్‌ సినిమాకి ఈ బడ్జెట్‌ అంటే బఠానీలతో సమానమనాలి.

ఎన్టీఆర్‌ చిత్రానికి ఇప్పుడు ఎనభై కోట్లకి పైగా బిజినెస్‌ జరుగుతుంది. అది కాక ఇతర హక్కుల రూపంలో ఒక ఇరవై కోట్లు ఎటూ పోవు. ఎలా చూసినా ఈ బడ్జెట్‌ నిజమే అయిన పక్షంలో నందమూరి బ్రదర్స్‌ ఇద్దరికీ నికర లాభం ఎనభై కోట్లు వుంటుందని అంటున్నారు.

ఇందులో ఎన్టీఆర్‌కి ఎంత వాటా ఇవ్వాలనేది తెలియదు కానీ, కళ్యాణ్‌రామ్‌ కష్టాలు మాత్రం తీరిపోయినట్టే. సినిమా హాట్‌ కేకులా అమ్ముడుపోయే సరికి అతని అప్పులన్నీ తీరిపోయి మళ్లీ రిస్కు తీసుకుని సినిమాలు నిర్మించే పొజిషన్‌కి వచ్చేసాడు.

 

రాజకీయ వార్తలు

 

సినిమా వార్తలు