ఈ వ్యాక్సిన్స్ తో హార్ట్ ఎటాక్స్..?

ప్రపంచ వ్యాప్తంగా కరోనా మహమ్మారి ఎంతలా విజృంభిస్తుందో మనందరికీ తెలిసిందే. ఈ మహమ్మారిని తరిమికొట్టేందుకు ప్రతి ఒక్కరూ వ్యాక్సిన్ వేయించుకోవాలని ప్రభుత్వాలు చెబుతున్నాయి. అందుకే ప్రపంచవ్యాప్తంగా వ్యాక్సినేషన్ ప్రక్రియను వేగవంతం చేస్తున్నారు. ఎన్నో రకాల క్లినికల్ ట్రయల్స్ తర్వాత.. కొన్ని వ్యాక్సిన్లకు ప్రభుత్వాలు అనుమతి తెలిపాయి. కాగా.. తాజాగా.. ఓ వ్యాక్సిన్ గురించి షాకింగ్ విషయం వెలుగులోకి వచ్చింది.

అత్యంత న‌మ్మ‌క‌మైన వ్యాక్సిన్ గా పేరున్న ఫైజ‌ర్ క‌రోనా వ్యాక్సిన్ తీసుకున్న యువతకు గుండెనొప్పి సమస్యలు వస్తున్నాయంటూ ఓ పరిశోధనలో తేలడం గమనార్హం. ఇప్పటి వరకు ఈ ఫైజర్ వ్యాక్సిన్ ని చాలా మంది తీసుకున్నారు. కాగా.. ఈ వ్యాక్సిన్ తీసుకున్న వారిలో కొంద‌రి గుండె పొర‌ల్లో వాపు వ‌చ్చిన‌ట్లు గుర్తించామ‌ని ఇజ్రాయిల్ పేర్కొంది.

ముఖ్యంగా పురుషుల్లో ఈవాపు ల‌క్ష‌ణాలు ఎక్కువ‌గా క‌నిపిస్తున్నాయ‌ని, ఇప్ప‌టి వ‌ర‌కు 275మందిలో ఈ ల‌క్ష‌ణాలు గుర్తించిన‌ట్లు ఇజ్రాయిల్ ఆరోగ్య‌శాఖ తెలిపింది. ఇజ్రాయిల్ లో 50ల‌క్ష‌ల మందికి ఫైజ‌ర్ వ్యాక్సిన్ వేశారు. వాపు రావడమే కాకుండా..గుండె సంబంధిత ఇతర సమస్యలు కూడా వస్తున్నట్లు గుర్తించడం గమనార్హం.

అయితే, ఈ వాపు ల‌క్ష‌ణాలు స్వ‌ల్పంగానే ఉన్నాయ‌ని… అలాంటి వారు నాలుగు రోజుల‌కు మించి ఆసుప‌త్రుల్లో లేర‌ని ఇజ్రాయిల్ తెలిపింది. రెండో డోసు వ్యాక్సిన్ తీసుకున్న 16-30ఏళ్ల మ‌ధ్య వ‌య‌సు వారిలోనే ఈ ల‌క్ష‌ణాలు క‌నిపించాయ‌ని ఇజ్రాయిల్ తెలిపింది.

అయితే, త‌మకు ఈ గుండె సంబంధిత సైడ్ ఎఫెక్ట్స్ ఉన్న‌ట్లు స‌మాచారం లేద‌ని ఫైజ‌ర్ తెలిపింది. ఎంఆర్ఎన్ఏ వైర‌స్ కు, గుండె సంబంధిత వ్యాధుల‌కు మ‌ధ్య ఎదైనా లింకుందా అన్న కోణంలో వ్యాక్సిన్ సెఫ్టీ డిపార్ట్మెంట్ ప‌నిచేస్తుంద‌ని ఫైజ‌ర్ తెలిపింది. ఈ అంశంలో మ‌రింత లోతైన అధ్య‌య‌నం చేయాల‌ని ఫైజ‌ర్ కు అమెరికా అంటు వ్యాధుల నిరోధ‌క సంస్థ కూడా సూచించింది.