మహేష్.. చరణ్.. నేనూ వస్తున్నా!

మహేష్.. చరణ్.. నేనూ వస్తున్నా!

తెలుగు సినిమాల వరకు బెస్ట్ సీజన్ ఏదంటే.. మరో మాట లేకుండా ‘సంక్రాంతి’ అని చెప్పేయొచ్చు. మిగతా సమయాల్లో ఒకేసారి రెండు సినిమాలు రిలీజ్ చేయాలన్నా తటపటాయిస్తారు కానీ.. సంక్రాంతికి మాత్రం తక్కువలో తక్కువ మూడు సినిమాలైనా లైన్లో నిలబెట్టేస్తారు. పోయినేడాది ఏకంగా నాలుగు సినిమాలు సంక్రాంతికి రిలీజయ్యాయి. అందులో మూడు మంచి విజయం సాధించాయి. ఇంకోటి కూడా బాగానే ఆడింది. ఈ ఏడాది మూడు సినిమాలొచ్చాయి. మూడూ పెద్ద హిట్లయ్యాయి. మూడింటికీ భారీ వసూళ్లు వచ్చాయి. దీంతో వచ్చే ఏడాది కూడా మూడు భారీ సినిమాల్ని సంక్రాంతికి షెడ్యూల్ చేసేశారు.

ఆల్రెడీ మహేష్ బాబు-కొరటాల శివల కొత్త సినిమా ‘భరత్ అను నేను’.. రామ్ చరణ్-సుకుమార్ కాంబినేషన్లో తెరకెక్కుతున్న ‘రంగస్థలం 1985’ సినిమాల్ని సంక్రాంతికి విడుదల చేయబోతున్నట్లు ప్రకటించిన సంగతి తెలిసిందే. ఐతే ఇందులో ‘రంగస్థలం’ మొదలై చాలా నెలలవగా.. ‘భరత్ అను నేను’ కూడా ఒక షెడ్యూల్ పూర్తి చేసుకుని రెండో షెడ్యూల్‌కు వెళ్లిపోయింది. ఐతే ఇప్పుడే మొదలైన బాలయ్య కొత్త సినిమా సైతం సంక్రాంతి పైనే కన్నేసింది. గురువారం ప్రారంభోత్సవం జరుపుకున్న ఈ సినిమాను సంక్రాంతికే రిలీజ్ చేయబోతున్నట్లు అనౌన్స్ చేశారు. నాలుగు నెలల పాటు నిర్విరామంగా ఈ చిత్ర షూటింగ్ జరుగుతుందట. ఈ ఏడాది ఆఖరుకల్లా సినిమా రెడీ అయిపోతుందట. సంక్రాంతికే సినిమా పక్కా అంటున్నారు. బాలయ్య గత రెండు సంక్రాంతి పండగలకూ సినిమాలు రిలీజ్ చేశాడు. ‘డిక్టేటర్’ నిరాశపరిచినా.. ‘గౌతమీపుత్ర శాతకర్ణి’ బాలయ్య కెరీర్లోనే హైయెస్ట్ గ్రాసర్‌గా నిలిచింది.

 

రాజకీయ వార్తలు

 

సినిమా వార్తలు