రామ్ చరణ్ హేటర్స్‌కు కూడా నచ్చే ఫొటో..

రామ్ చరణ్ హేటర్స్‌కు కూడా నచ్చే ఫొటో..

చిరంజీవి వారసుడిగా సినిమాల్లోకి అడుగుపెట్టిన రామ్ చరణ్ స్టార్ ఇమేజ్ సంపాదించాడు. మంచి మార్కెట్ కూడా తెచ్చుకున్నాడు. ఐతే అతను గ్లామర్ విషయంలో.. నటన పరంగా ఎక్కువమంది ఆమోదం మాత్రం పొందలేదన్నది మాత్రం వాస్తవం. యాక్టింగ్ స్కిల్స్.. లుక్ విషయంలో పలు విమర్శలు ఎదుర్కొన్నాడు చరణ్. ఒక టైంలో మరీ రొటీన్‌గా ఉండే మాస్ మసాలా సినిమాలు చేయడం వల్ల కూడా చరణ్ మీద వ్యతిరేకత పెరిగింది.

ఐతే గత ఏడాది రూటు మార్చి ‘ధృవ’ లాంటి వైవిధ్యమైన సినిమా చేయడం.. ఈ సినిమా కోసం లుక్ మార్చుకోవడంతో న్యూట్రల్‌గా ఉండే జనాల్లో చరణ్‌పై కొంచెం సానుకూలత మొదలైంది. ఆ వెంటనే సుకుమార్ లాంటి క్లాస్ డైరెక్టర్‌తో సినిమాకు రెడీ అవ్వడం కూడా చరణ్‌కు కలిసొచ్చింది. ఎలాంటి హీరోనైనా సుకుమార్ తనదైన శైలిలో భిన్నంగా ప్రెజెంట్ చేస్తాడు. హీరోకు ఇమేజ్ మేకోవర్ ఇవ్వడంతో సుకుమార్ స్టయిలే వేరు. చరణ్ విషయంలోనూ అతను అలాగే చేస్తున్నాడు. సుక్కు సినిమా కోసం చరణ్  తన లుక్‌ను ఎలా మార్చుకున్నాడో తెలిసిందే. దానికి పాజిటివ్ ఫీడ్ బ్యాకే వచ్చింది.

పాత కాలం నాటి పల్లెటూరి కుర్రాడిగా చరణ్ అతి సామాన్యమైన లుక్‌లోకి మారిపోవడం జనాల దృష్టిని ఆకర్షించింది. ఇంతకుముందు వచ్చిన ఆన్ లొకేషన్స్ పిక్స్ అన్నీ కూడా ఆకట్టుకున్నాయి. తాజాగా సెట్స్‌లో సుక్కుతో కలిసి చరణ్ ఉన్న ఫొటో ఒకటి బయటికి వచ్చింది. అందులో చరణ్ లుక్ సూపర్బ్ అనిపిస్తోంది. లుంగీ, బనియన్.. భుజానికి తాయెత్తు.. ఇలా సగటు పల్లెటూరి కుర్రాడిలా భలే కనిపిస్తున్నాడు చరణ్. ఇంతకుముందు చరణ్‌గా తీవ్రంగా వ్యతిరేకించిన వాళ్లు కూడా ఈ లుక్‌లో అతణ్ని చూసి మెచ్చుకోవాల్సిందే. అంతలా ఆకర్షిస్తోంది ఈ ఫొటో. ఇదంతా సుకుమార్ మహిమ అని ప్రత్యేకంగా చెప్పాల్సిన పని లేదేమో.

 

రాజకీయ వార్తలు

 

సినిమా వార్తలు