జనతా గ్యారేజ్‌ రికార్డుపై కన్నేసిన డీజే

జనతా గ్యారేజ్‌ రికార్డుపై కన్నేసిన డీజే

'దువ్వాడ జగన్నాథమ్‌' టాక్‌ సంగతి ఎలా వున్నా కానీ ఓపెనింగ్స్‌ అదిరిపోయాయి. వచ్చిన వసూళ్ల కంటే పెంచి చెప్పుకుంటున్నారనే ఆరోపణలు బాగా వున్నాయి కానీ డిస్ట్రిబ్యూటర్స్‌ చెప్పిందే ఫైనల్‌ ఫిగర్‌ కనుక డీజే ఆల్‌టైమ్‌ టాప్‌ 5 లిస్టులో చేరే దిశగా దూసుకుపోతోందని ఒప్పుకు తీరాలి. మంగళవారం కూడా వసూళ్లలో భారీ డ్రాప్‌ లేదు కనుక, రెండవ వారంలో కాంపిటీషన్‌ అసలే లేదు కనుక డీజేకి మరో పదిరోజుల వరకు ఢోకా వుండదు.

వసూళ్లు ఎంత తగ్గుముఖం పట్టినా కానీ జనతా గ్యారేజ్‌ రికార్డుని దాటి టాప్‌ 5లోకి చేరే అవకాశం లేకపోలేదు. ఒకవేళ సెకండ్‌ వీకెండ్‌ అనుకున్న దానికంటే బాగున్నట్టయితే కనుక శ్రీమంతుడుని కూడా దాటే ఛాన్స్‌ వుందని అంటున్నారు. విశేషం ఏమిటంటే యుఎస్‌ నుంచి ఈ చిత్రానికి ఆశించిన స్పందన రాలేదు. అక్కడ వసూళ్లు సరిగా లేకపోయినప్పటికీ లోకల్‌గా చూపిస్తోన్న భారీ నంబర్ల కారణంగా దువ్వాడ జగన్నాథమ్‌ సేఫ్‌ జోన్‌ దిశగా సాగుతోంది.

ఎనభై కోట్ల బిజినెస్‌ జరిగిన పక్షంలో హిట్‌ కింద లెక్క కట్టవచ్చునని ట్రేడ్‌ చెబుతోంది. ఆ మార్కు చేరుకోవడం ప్రస్తుత ట్రెండ్‌ ప్రకారం అంత కష్టమేం కాదనేది ట్రేడ్‌ టాక్‌. ఏదేమైనా ప్రతి సినిమాతోను స్టార్‌గా తన సత్తా చాటుకుంటోన్న అల్లు అర్జున్‌ ఈసారి భయంకరమైన వీక్‌ టాక్‌తోనే ఈ ఫీట్‌ సాధించడం చిన్న విషయమేం కాదు.

 

రాజకీయ వార్తలు

 

సినిమా వార్తలు