‘కాటమరాయుడు’ ను ఇంత దిగజారి టార్గెట్ చెయ్యాలా

‘కాటమరాయుడు’ ను ఇంత దిగజారి టార్గెట్ చెయ్యాలా

రామ్ గోపాల్ వర్మ మళ్లీ లైన్లోకి వచ్చేశాడు. పవన్ కళ్యాణ్ కొత్త సినిమా ‘కాటమరాయుడు’ను టార్గెట్ చేస్తూ రెచ్చిపోయాడు. గతంతో పోలిస్తే ఈసారి ట్రోలింగ్ డోస్ పెంచాడు వర్మ. సూటిగా ‘కాటమరాయుడు’ పేరెత్తకుండా మారుపేర్లతో ఈ సినిమా గురించి ఓ ఆట ఆడేసుకున్నాడు వర్మ.

ఎవరో 70 ఏళ్ల పెద్ద మనిషి వచ్చి వర్మకు చెప్పాడట.. ‘కాటమరాయుడు’ చూడటం కంటే పోర్న్ సినిమా చూడటం మేలని. ‘సర్దార్ గబ్బర్ సింగ్’ కంటే ‘కాటమరాయుడు’ బెటర్ సినిమానో కాదో తనకు తెలియదని.. ఐతే ‘బాహుబలి-2’ ట్రైలర్ చూసి పవన్ కొంచెం అయినా నేర్చుకోవాలని.. ఇలాంటి పవర్ లెస్ సినిమాలు తీయడం మానుకోవాలని.. ఇది తన ఇన్ సిన్సియర్ నాన్ అడ్వైజ్ అని తనదైన శైలిలో వ్యాఖ్యానించాడు వర్మ.

వర్మ ఇలా ‘కాటమరాయుడు’ మీద ట్వీట్ల దాడి మొదలుపెట్టగానే పవన్ అభిమానులు అతడి మీదికి దండెత్తారు. దీంతో వర్మ కూడా వాళ్లను టార్గెట్ చేశాడు. ఎవరో సుబ్బారావు చెప్పాడట.. అతడి అభిమానులు ఎద్దులు కూడా కాదు, గొర్రెలు అని. ఎద్దులకు కనీసం తోలు మందంగా అయినా ఉంటుందని.. కానీ అతడి అభిమానులకు అలా కూడా ఉండదని. ఇక ఎవరో రాకేశ్వర్ అనే ఒక క్యారెక్టర్ పేరు పెట్టి.. ముగ్గుర్ని పెళ్లి చేసుకున్నందుకు గర్వించడం మాని.. ఒక్క మంచి సినిమా అయినా ప్రొడ్యూస్ చేయాల్సిందని.

ఇక చివరగా ఈ ట్వీట్లకు కంక్లూజన్ ఇస్తూ.. కాటమరాయుడు.. అవతార్ కన్నా, బాహుబలి-2 ట్రైలర్ కన్నా బాగుందని తన పనిమనిషి అన్నారని.. దీన్ని 100 మిలియన్ సార్లు చూడాలని కూడా పేర్కొన్నట్లుగా వర్మ చెప్పాడు. ‘కాటమరాయుడు’ డివైడ్ టాక్ మీద అసలే కాక మీద ఉన్న పవన్ అభిమానుల్ని వర్మ వ్యాఖ్యలు మరింత ఉడికించేవే.