ఓపెన్ గా కన్నీరు పెట్టేసిన 'కామెడీ' హీరో

ఓపెన్ గా కన్నీరు పెట్టేసిన 'కామెడీ' హీరో

కమేడియన్లు హీరోలు కావటం టాలీవుడ్ లో కామనే. తెరపైన కామెడీ పండించిన వారు అంతలోనే హీరోయిజం పండించటాన్ని ప్రేక్షకులు ఓకే అనేసినా.. సక్సెస్ ఫుల్ హీరోలుగా కంటిన్యూ అయినోళ్లు తక్కువే. తాజాగా అలాంటి అదృష్టాన్ని పరీక్షించుకొని తొలి పరీక్షలో పాస్ అయ్యారు కమేడియన్ సప్తగిరి. తొలి సినిమానే తన పేరు మీద వచ్చేలా సినిమా టైటిట్ పెట్టటం ఒక ఎత్తు అయితే.. అది విజయవంతంగా రన్ కావటం సప్తగిరి ఎమోషనల్ చేస్తోంది.

సినిమాకు కలెక్షన్లు మరింత పెంచేందుకు వీలుగా ప్ర్రస్తుతం సక్సెస్ టూర్ చేస్తున్న సప్తగిరి.. ఓపెన్ గా కంట కన్నీరు పెట్టేయటం అందరి దృష్టిని ఆకర్షించింది. విశాఖపట్నం జిల్లా అనకాపల్లిలోని శ్రీ సత్య థియేటర్ కు వచ్చిన సప్తగిరి.. తన మాటలతో ప్రేక్షకులకు కిక్కెక్కించారు.  ఈ సందర్భంగా ఎన్టీఆర్ నటించిన దానవీర శూర కర్ణ సినిమాలో చెప్పిన ఒక డైలాగ్ తాను చెప్పటంతో.. తన జీవితం మారిపోయిందన్న ఆయన.. ఎన్టీఆర్ ను తలుచుకొని కన్నీటి పర్యంతం అయ్యారు.

కామెడీ హీరో ఎమోషన్ తో వాతావరణం కాస్త గంభీరమైనా.. అంతలోనే ప్రేక్షకులు రియాక్ట్ అయి.. డైలాగ్ చెప్పమనటంతో.. తనదైన శైలిలో.. ఏమంటివి.. ఏమంటివి అంటూ డైలాగ్ చెప్పేసి.. తన టాలెంట్ ను రియల్ గా ఫ్రూవ్ చేసుకున్నాడు.

 

రాజకీయ వార్తలు

 

సినిమా వార్తలు