న‌మో వెంక‌టేశాయ‌.. రొమాన్సుకు డోకా లేదు

న‌మో వెంక‌టేశాయ‌.. రొమాన్సుకు డోకా లేదు

మామూలుగా భ‌క్తి చిత్రాలంటే భ‌క్తి చిత్రాలే. కానీ రాఘ‌వేంద్ర‌రావు మాత్రం భ‌క్తి చిత్రాల్లోనూ త‌న‌దైన శైలిలో ర‌సిక‌త చూపించాడు. అన్న‌మ‌య్య‌.. శ్రీరామ‌దాసు.. పాండురంగ‌డు లాంటి సినిమాల్లోనూ ర‌సిక‌త పాళ్లు బాగానే క‌నిపిస్తాయి. రాఘ‌వేంద్ర‌రావు మార్కు స్ప‌ష్టంగా ద‌ర్శ‌న‌మిస్తుంది. తాజాగా ‘ఓం న‌మో వెంక‌టేశాయ’ సినిమాలోనూ రొమాన్సుకు ఢోకా లేద‌ని అర్థ‌మ‌వుతోంది. రెండో హీరోయిన్‌గా తీసుకున్న ప్ర‌గ్యా జైశ్వాల్‌కే ఆ బాధ్య‌త‌లు అప్ప‌గించిన‌ట్లున్నాడు ద‌ర్శ‌కేంద్రుడు. ఆల్రెడీ ఈ మ‌ధ్య రిలీజైన ఫ‌స్ట్ లుక్ పోస్ట‌ర్లోనే లైట్‌గా అందాల విందు చేసింది ప్ర‌గ్యా. తాజాగా నాగార్జున‌తో ప్ర‌గ్యా ఉన్న పోస్ట‌ర్ చూస్తుంటే.. రొమాన్స్ బాగానే ఉంటుంద‌ని అర్థ‌మ‌వుతోంది.

ఇప్ప‌టిదాకా ‘న‌మో వెంక‌టేశాయ’ సినిమాలో నాగార్జున లుక్స్ ఆధ్యాత్మిక కోణంలోనే క‌నిపించాయి. తొలిసారి ఈ పాత్ర తాలూకు రొమాంటిక్ యాంగిల్ ఆవిష్క‌రించారు. ప్ర‌గ్యాను వాటేసుకుని త‌న‌దైన శైలిలో రొమాన్స్ పండిస్తున్నాడు నాగ్ కొత్త పోస్ట‌ర్లో. మ‌రోవైపు అనుష్క మాత్రం సినిమాలో ప‌ద్ధ‌తిగానే క‌నిపించేలా ఉంది. మ‌రో హీరోయిన్ విమ‌లా రామ‌న్ పాత్ర ఏంట‌న్న‌ది ఇంకా వెల్ల‌డి కాలేదు. ఆమె లుక్స్ కూడా ఇంకా బ‌య‌టికి రాలేదు. వెంక‌టేశ్వ‌ర‌స్వామి వీర భ‌క్తుల్లో ఒక‌డైన హ‌థీరాం బాబా జీవిత క‌థ ఆధారంగా తెర‌కెక్కుతున్న ‘ఓం న‌మో వెంక‌టేశాయ’ వ‌చ్చే ఏడాది ఫిబ్ర‌వ‌రి 10న ప్రేక్ష‌కుల ముందుకు రానున్న సంగ‌తి తెలిసిందే.