‘సాహసం’ షూటింగ్ ఇంకా అవ్వలేదు

‘సాహసం’ షూటింగ్ ఇంకా అవ్వలేదు

‘సాహసం శ్వాసగా సాగిపో’ ఏడాది కిందటే రావాల్సిన సినిమా. రకరకాల కారణాల వల్ల వాయిదా పడుతూ వస్తోంది. జూన్లో ఆడియో విడుదల సందర్భంగా జులైలో సినిమా పక్కా అన్నారు. ఆ తర్వాత మూణ్నాలుగు డేట్లు మారిపోయాయి. సెప్టెంబరు కూడా సగం అయిపోవస్తోంది. ఇప్పటిదాకా రిలీజ్ సంగతి తేలలేదు. సినిమా ఎప్పుడో పూర్తయిపోయిందని.. వేరే కారణాల వల్ల వాయిదా పడుతోందని అంతా అనుకుంటూ వచ్చారు. కానీ ఈ సినిమా షూటింగ్ ఇంకా పూర్తి కాకపోవడం విశేషం. ప్రస్తుతం బ్యాంకాక్‌లో ఈ సినిమా తమిళ వెర్షన్ కోసం ఓ పాట తీస్తుండటం విశేషం.

తెలుగులో ‘వెళ్లిపోమాకే’కు తమిళ వెర్షన్ అయిన.. ‘తల్లిపోగాదే..’ పాటను బ్యాంకాక్‌లో శింబు, మాంజిమా మోహన్‌ల మీద చిత్రీకరిస్తున్నాడట గౌతమ్ మీనన్. ఏవో ఆర్థిక కారణాల వల్లే సినిమా వాయిదా పడుతోందన్నది అవాస్తవమని.. శింబు పుణ్యమే ఈ ఆలస్యం అని మరోసారి రుజువైంది.

‘సాహసం’ సంగతి తేలితే కానీ.. ‘ప్రేమమ్’ రిలీజ్ చేయొద్దని ఆ చిత్ర నిర్మాతలకు షరతు పెట్టిన చైతూ కూడా ఈ మధ్య ఫ్రస్టేట్ అయిపోయాడు. ‘ప్రేమమ్’ను దసరాకు రిలీజ్ చేసుకోడానికి గ్రీన్ సిగ్నల్ ఇచ్చేశాడు. ‘సాహసం..’ సెప్టెంబరు మూడో వారంలో వస్తుందన్న అంచనా కూడా తప్పేనని తేలిపోయింది. ఇక అక్టోబరు ద్వితీయార్ధంలో ఏదైనా డేట్ చేసుకుంటే బెటరేమో.

 

రాజకీయ వార్తలు

 

సినిమా వార్తలు