మోక్షజ్న లుక్‌ అదిరిందిగా..

మోక్షజ్న లుక్‌ అదిరిందిగా..

ఈ మధ్య పెద్ద ఫ్యామిలీల నుంచి హీరోలు అరంగేట్రం చేస్తుంటే హడావుడి మామూలుగా ఉండట్లేదు. గత ఏడాది అఖిల్‌ విషయంలో ఎంత హంగామా నడిచిందో తెలిసిందే. ఇక టాలీవుడ్లో తర్వాతి పెద్ద అరంగేట్రం అంటే నందమూరి మోక్షజ్నదే. తన కొడుకు అరంగేట్రం 2017లోనే అని ఆల్రెడీ బాలయ్య ప్రకటించేశాడు కూడా. ఐతే హీరోగా మోక్షజ్న అరంగేట్రం వచ్చే ఏడాది జరుగుతుందో లేదో కానీ.. అతను 2017లో తెరమీద కనిపించడం మాత్రం పక్కా. బాలయ్య వందో సినిమా 'గౌతమీపుత్ర శాతకర్ణి'లో మోక్షజ్న కూడా ఓ క్యామియో రోల్‌ చేస్తాడన్నది ప్రస్తుతానికి ఉన్న సమాచారం. ఆ సినిమాలో ఎలా ఉంటాడో కానీ.. మోక్షజ్న లేటెస్ట్‌ లుక్‌ అయితే బాగుంది.

ఈ రోజు మోక్షజ్న పుట్టిన రోజు. ఈ సందర్భంగా పీఆర్వోలు వంశీ శేఖర్‌ అతడికి విషెస్‌ చెబుతూ ఓ యాడ్‌ ఇచ్చారు. అందులో మోక్షజ్న లుక్‌ చాలా బాగుందనే టాక్‌ వస్తోంది. ఇప్పటిదాకా చాలా వరకు నున్నటి షేవ్‌తోనే కనిపించిన నందమూరి చిన్నోడు.. ఇందులో కొద్దిగా గడ్డంతో రఫ్‌ లుక్‌లో కనిపించాడు. చిన్నప్పుడు మోక్షజ్న లుక్స్‌ చూస్తే.. హీరోగా సరిపోతాడా అన్న సందేహాలు కలిగాయి. కొంచెం బబ్లీగా అనిపించాడతను. కానీ లేటెస్ట్‌ లుక్‌లో మోక్షజ్న డిఫరెంట్‌గా ఉన్నాడు. హీరో అయ్యే దిశగా లుక్స్‌ కూడా మార్చుకునే ప్రయత్నం జరుగుతున్నట్లుంది. ఇంతకీ 'శాతకర్ణి'లో రాజకుమారుడిగా అతనెలా ఉంటాడన్నది ఆసక్తికరం.

 

రాజకీయ వార్తలు

 

సినిమా వార్తలు