గోపీసుందర్‌కు నాని నరకం చూపించాడట

గోపీసుందర్‌కు నాని నరకం చూపించాడట

మ్యూజిక్ డైరెక్టర్ గోపీ సుందర్‌‌ను తాను టార్చర్ పెట్టానంటున్నాడు నేచురల్ స్టార్ నాని. తన వల్ల గోపీకి చాలా నష్టం జరిగిందని అతను చెప్పాడు. అంతగా గోపీకి నాని ఏం చేశాడో నాని మాటల్లోనే తెలుసుకుందాం పదండి.

‘‘నేను నా సినిమాల ద్వారా ప్రేక్షకులకు ఆనందాన్నిచ్చాననుకుంటున్నా. ఐతే నా వల్ల చాలా నష్టపోయిన ఒకే వ్యక్తి గోపీ సుందర్ అనుకుంటున్నా. ఎందుకంటే అతణ్ని నేను ఆ స్థాయిలో టార్చర్ పెట్టాను. అతను ‘మజ్ను’ సినిమా కోసం నాతో పాట పాడించడానికి ప్రయత్నించాడు. నా పాట వినడం ఎంతటి నరకమో నాకు తెలుసు. ఐతే ఆ పాట తనొక్కడే విన్నాడు. అంత దారుణంగా పాడాను. ఆ పాట ఆడియోలో పెట్టలేదు. ఐతే నాకు గొప్ప ఆల్బమ్స్ ఇచ్చాడతను. ఇంతకుముందు ‘భలే భలే మగాడివోయ్’ లాంటి మంచి ఆల్బమ్.. ఇప్పుడు కెరీర్లో ఎప్పటికీ గుర్తుండిపోయే ‘మజ్ను’ ఇచ్చాడు’’ అని నాని అన్నాడు.

‘మజ్ను’ దర్శకుడు విరించి వర్మ గురించి చెబుతూ.. ‘‘అతను చాలా నిజాయితీ.. సిన్సియారిటీ ఉన్న దర్శకుడు. తన తొలి సినిమా ‘ఉయ్యాలా జంపాల’ కథను ముందు నాకు వినిపించి ఒపీనియన్ తీసుకున్నాడు. మజ్ను కథ వినగానే డేట్లు ఇచ్చేశా. ఐతే విరించికి వెంటనే డేట్లిచ్చేశావా అని అడిగారు కొంతమంది. అతనడిగితే డేట్లేంటి పిల్లనైనా ఇచ్చేస్తా. అంత మంచోడు విరించి. ‘ఉయ్యాల జంపాల’ లాగే ‘మజ్ను’ను కూడా ప్రేక్షకులు ఓన్ చేసుకుంటారు. నేను చాలా ఇన్వాల్వ్ అయి చేసిన సినిమా ఇది’’ అని నాని అన్నాడు.

 

రాజకీయ వార్తలు

 

సినిమా వార్తలు