పవన్ దగ్గర డబ్బుల్లేవా.. హహహా

పవన్ దగ్గర డబ్బుల్లేవా.. హహహా

రాజకీయం వంట బట్టాక పవన్ కళ్యాణ్ కూడా జిమ్మిక్కులు బాగానే నేర్చాడు. బీద అరుపులు అరవడం పవన్‌కు బాగానే అలవాటైపోయింది. ఐతే ఒకసారి రెండు సార్లయితే ఓకే.. కానీ ప్రతి సారీ బీద అరుపులు అరిస్తేనే జనాల్లో ఆలోచన మొదలవుతుంది. తార్కికంగా ఆలోచించడం మొదలుపెడతారు. పార్టీని విస్తరించడానికి డబ్బుల్లేవు అంటే ఓకే కానీ.. అసలు తన దగ్గర డబ్బులే లేవని ప్రతిసారీ చెప్పడమే చిత్రమైన విషయం. ‘సర్దార్ గబ్బర్ సింగ్’ తర్వాత కూడా తన దగ్గర డబ్బులేమీ మిగల్లేదని చెప్పాడు పవన్. ఇందులో వాస్తవమెంత అన్నదే సందేహాలు రేకెత్తిస్తోంది.

ఈ సినిమాకు అయిన బడ్జెట్ దాదాపు రూ.50 కోట్ల లోపే. కానీ బిజినెస్ రూ.100 కోట్ల దాకా జరిగింది. సినిమా ఫ్లాప్ అయినా కూడా.. పవన్ కానీ.. నిర్మాత శరత్ మరార్ కానీ.. బయ్యర్లకేమీ తిరిగివ్వలేదు. తర్వాతి సినిమా హక్కుల్ని తక్కువకు ఇచ్చేలా ఒప్పందం కుదిరింది. అందుకే సేమ్ బేనర్లో మరో సినిమా చేస్తున్నాడు పవన్. ఇక్కడ శరత్ మరార్ పేరుకే నిర్మాత. పెట్టుబడి.. రాబడి ప్రధానంగా పవన్ కళ్యాణ్‌దే అన్న సంగతి అందరికీ తెలుసు.

మరి ‘సర్దార్’ బిజినెస్ ద్వారా వచ్చిన డబ్బులన్నీ ఎక్కడికి పోయినట్లు? సినిమా ఫ్లాప్ అయినంత మాత్రాన డబ్బులేమీ రాలేదని.. తన దగ్గర ఏమీ లేదని పవన్ చెప్పడం ఎంత వరకు కరెక్ట్? నిజాయితీపరుడిగా పేరున్న పవన్ లాంటి వ్యక్తి ఇలాంటి మాటలు మళ్లీ మళ్లీ మాట్లాడితే.. అతడికున్న క్రెడిబిలిటీ దెబ్బ తింటుంది తప్ప కొత్తగా వచ్చే ప్రయోజనమేమీ లేదు.

 

రాజకీయ వార్తలు

 

సినిమా వార్తలు