‘అ..ఆ’ను ఇరుకున పెట్టేశారుగా..

‘అ..ఆ’ను ఇరుకున పెట్టేశారుగా..

ఈ మధ్య పెద్ద సినిమాల రిలీజ్ డేట్ల విషయంలో గందరగోళం బాగా ఎక్కువైపోతోంది. ‘బ్రహ్మోత్సవం’ ఎప్పుడు రిలీజవుతుందా అని రెండు మూడు నెలలగా ఎదురు చూస్తున్నారు మహేష్ అభిమానులు. వాళ్లు ఎంత క్యూరియస్ గా ఉంటే.. యూనిట్ వర్గాలు అంతగా కన్ఫ్యూజ్ చేశాయి. ఎట్టకేలకు ఆడియో వేడుకలో మహేష్ ‘మే 20’ అంటూ డేట్ చెప్పేయడంతో హమ్మయ్య అనుకున్నారు. ఇప్పుడిక ‘బ్రహ్మోత్సవం’ సంగతి తేలిపోయింది కాబట్టి.. మిగతా సినిమాలు డేట్లు సర్దుబాటు చేసుకోవడానికి సిద్ధమవుతున్నాయి. ‘బ్రహ్మోత్సవం’ డేట్ కోసం మహేష్ అభిమానుల కంటే కూడా ‘అ..ఆ’ యూనిట్ సభ్యులు చాలా ఆత్రంగా చూస్తున్నారు. ఎందుకంటే ఆ సినిమా రిలీజ్ డేట్ ను బట్టే వీళ్లు విడుదల ఖరారు చేసుకోవాలి.

బ్రహ్మోత్సవం 20న కన్ఫమ్ అని ముందే తెలిస్తే 13న ‘అ..ఆ’ వచ్చేసేదేమో. కానీ ఇప్పుడు టైం తక్కువుంది. ఆ డేట్ ఫిక్స్ చేయడం కష్టమే. ఇక ‘బ్రహ్మోత్సవం’ వచ్చిన వారానికే విడుదల అన్నా కూడా కష్టమే. అలా కాదంటే జూన్ 3కు వెళ్లాలి. కానీ ఆ తేదీకి ‘కబాలి’ రిలీజ్ అంటున్నారు. కానీ అక్కడి నుంచి కన్ఫర్మేషన్ రాలేదు. కాబట్టి ‘కబాలి’ టీం నుంచి న్యూస్ కోసం ఎదురు చూడాలన్నమాట ఇక. కబాలి కొంచెం వాయిదా పడితే.. ‘అ..ఆ’ జూన్ 3న రావడం పక్కా. మొత్తానికి ‘అ..ఆ’ పోస్టర్లలో వేసినట్లు మేలో రావడం డౌటే. ఫస్ట్ కాపీ రెడీ అయిపోయాక నెల రోజులకు పైగా వెయిట్ చేయాల్సి రావడం ఇబ్బందికరమే. ఇంతకుముందు ప్రచారం జరిగినట్లు ‘బ్రహ్మోత్సవం’ మే 27కు ఫిక్స్ అయి ఉంటే.. ‘అ..ఆ’ 20కి ఫిక్సయ్యేదేమో!

 

రాజకీయ వార్తలు

 

సినిమా వార్తలు