కాపుల కోసం దాసరి అడవి ప్రయాణం

కాపుల కోసం  దాసరి అడవి ప్రయాణం

కాపుల్ని బీసీల్లోకి చేర్చాలంటూ ఆమరణ నిరహారదీక్ష చేస్తున్న మాజీ మంత్రి ముద్రగడ పద్మనాభావానికి సంఘీభావం ప్రకటించేందుకు పెద్ద ఎత్తున నేతలు వస్తున్న సంగతి తెలిసిందే. అయితే.. వీరిని కిర్లంపూడికి వెళ్లకుండా మార్గమధ్యంలోనే పోలీసులు అడ్డుకుంటున్నారు. దీంతో.. పోలీసుల కన్నుగప్పి అడవిలో నుంచి ప్రయాణించి మరీ రాజమండ్రి చేరుకున్న ప్రముఖ సినీ దర్శకులు.. మాజీ కేంద్రమంత్రి దాసరి నారాయణరావు. తాజాగా ఆయన ఒక హోటల్‌ లో బస చేయగా.. సమాచారం అందుకున్న పోలీసులు హోటల్‌ దగ్గర పెద్ద ఎత్తున పోలీసు బలగాల్ని మొహరించారు.

అనంతరం దాసరినారాయణరావును బయటకు వెళ్లకుండా హోటల్లో చుట్టుముట్టారు. తాను రాజమండ్రి రావటానికి బయలుదేరితే నందిగామ..ఇతర ప్రాంతాల్లో పోలీసులు అడ్డుకోవటంతో అటవీమార్గంలో ప్రయాణం చేసి మరీ రాజమండ్రి చేరుకున్నట్లుగా దాసరి చెబుతున్నారు. హైదరాబాద్‌ నుంచి రాజమండ్రి రావటానికి 12 గంటల సమయం పట్టిందని.. తీరా ఇక్కడకు వచ్చిన తర్వాత తనను పోలీసులు చుట్టుమట్టి అడ్డుకోవటం సరికాదని దాసరి వ్యాఖ్యానించారు. చెక్‌ చేసి పంపటం బాగానే ఉంటుందని.. కానీ.. అలాంటిదేమీ లేకుండా ముద్రగడ పద్మానాభం దగ్గరకు ఎవరినీ అనుమతించకపోవటం దుర్మార్గంగా దాసరి మండిపడుతున్నారు.

 

రాజకీయ వార్తలు

 

సినిమా వార్తలు