పవన్‍ కళ్యాణ్‍ ఆన్‍ లిక్విడ్‍ డైట్‍

రాజకీయ రంగ ప్రవేశం చేసిన తర్వాత ఫిజికల్‍ ఫిట్‍నెస్‍పై శ్రద్ధ తగ్గించేసిన పవన్‍ కళ్యాణ్‍ లాక్‍ డౌన్‍ టైమ్‍లో కూడా దానిపై దృష్టి పెట్టినట్టు లేడు. ‘వకీల్‍ సాబ్‍’ చిత్రం షూటింగ్‍ని అదే అవతారంలో తిరిగి మొదలు పెట్టేసాడు.

అయితే ఈ చిత్రంలో ఫ్లాష్‍బ్యాక్‍ ఎపిసోడ్‍ కోసం పవన్‍ ఏజ్‍ తగ్గి కనిపించాల్సిన అవసరం వుంది. అందుకోసం పవన్‍ ప్రస్తుతం లిక్విడ్‍ డైట్‍ మీద వున్నాడట. గతంలో జానీ చిత్రంలో లీన్‍ లుక్‍ కోసం పవన్‍ ఏడాదిన్నర పాటు కేవలం పానీయాలు మాత్రమే తీసుకునేవాడు. ఎలాగో షూటింగ్‍కి బ్రేక్‍ వచ్చింది కనుక ఇప్పుడు మేక్‍ ఓవర్‍ మీద దృష్టి సారించాడు. ని

హారిక పెళ్లితో పాటు ఇతర రాజకీయ పరమైన మీటింగులన్నీ ముగించుకుని సరికొత్త రూపంలో వకీల్‍ సాబ్‍ షూటింగ్‍ ఫినిష్‍ చేస్తాడట. ఆ తర్వాత అదే లుక్‍తో ‘అయ్యప్పనుమ్‍ కోషియుమ్‍’ చిత్రానికి సంబంధించిన ఫ్లాష్‍బ్యాక్‍ వర్క్ ముందుగా మొదలు పెట్టి ఆ తర్వాత మిగతా సినిమా చేస్తాడట.

ఈ రెండు సినిమాలు ఎప్పుడయినా విడుదల కానీ… పవన్‍ మాత్రం ఏప్రిల్‍ లోగా రెండు సినిమాల షూటింగులు పూర్తి చేసేసి తదుపరి సినిమాలపై దృష్టి పెడతాడట. 2022 సంక్రాంతి లోగా పవన్‍ నటించిన మూడు సినిమాలు విడుదలవుతాయనేది ఇండస్ట్రీ అంచనా.