టీవీలో బాహుబలి.. ఒక్క యాడ్ 2.5 లక్షలు

టీవీలో బాహుబలి.. ఒక్క యాడ్ 2.5 లక్షలు

టాలీవుడ్లోనే కాదు.. మొత్తంగా ఇండియన్ ఫిలిం హిస్టరీలోనే సరికొత్త రికార్డులు క్రియేట్ చేసింది బాహుబలి. బిజినెస్ దగ్గర్నుంచి కలెక్షన్ల వరకూ బాహుబలి పేరిట చాలా రికార్డులే ఉన్నాయి. ఐతే ఈ రికార్డుల పర్వం ఇంకా ఆగలేదు. త్వరలోనే బుల్లెతెరపైకి దండెత్తి వస్తున్న ‘బాహుబలి’ అక్కడా సరికొత్త రికార్డులు నెలకొల్పడానికి సిద్ధమవుతున్నాడు.

ఈ దసరాకు తెలుగు లోగిళ్లలో సందడి చేయబోతున్నాడు బాహుబలి. రెండు భాగాలు కలిపి శాటిలైట్ రైట్స్ దాదాపు రూ.35 కోట్లకు కొన్న మాటీవీ తొలి భాగాన్ని దసరాకు ప్రసారం చేయబోతున్నట్లు అంచనా. ప్రీమియర్ షోలను ప్రెజెంట్ చేయడంలో మా టీవీ స్టైలే వేరు. రాజమౌళి తీసిన మగధీర, ఈగ లాంటి సినిమాల్ని టీవీలో అద్భుతంగా ప్రెజెంట్ చేసింది. చక్కటి ప్రమోషన్ తో జనాల్లో, వ్యాపార వర్గాల్లో విపరీతమైన ఆసక్తి రేపింది. భారీ స్థాయిలో ప్రకటనలు రాబట్టింది.

ఇక బాహుబలి విషయంలో మాటీవీ వాళ్లు ఎలా చేస్తారో చెప్పేదేముంది. హంగామా మామూలుగా ఉండదు. అందులోనూ సినిమా ప్రసారం కాబోయేది దసరా రోజు. దీంతో ప్రకటనల ధరల విషయంలోనూ రికార్డుల మోత మోగనుంది. పది సెకన్ల ప్రకటన ధర రూ.2.5 లక్షలు పలుకుతున్నట్లు సమాచారం. ఇప్పటికే యాడ్స్ కోసం ప్రయత్నాలు మొదలయ్యాయి. డిమాండ్ కూడా బాగానే ఉంది. టీఆర్పీ రేటింగుల విషయంలోనూ కొత్త రికార్డులు ఖాయమని వేరే చెప్పాలా?

 

రాజకీయ వార్తలు

 

సినిమా వార్తలు